വിദ്യാർഥിനിയോട് ഫോണിൽ അശ്ലീലച്ചുവയോടെ സംസാരിച്ചതിന് പൊലീസ് ഉദ്യോഗസ്ഥനെതിരെ പരാതി

പോത്തൻകോട്: വിദ്യാർഥിനിയോട് രാത്രി ഫോണിൽ അശ്ലീലച്ചുവയോടെ സംസാരിച്ചതിന് പൊലീസ് ഉദ്യോഗസ്ഥനെതിരെ പരാതി. തോന്നയ്ക്കൽ ബയോ 360 ലൈഫ് സയൻസ് പാർക്കിലെ ശാസ്ത്രോത്സവ ഡ്യൂട്ടിക്കിടെ തിങ്കളാഴ്ച രാത്രി 9 മണിയോടെയാണ് സംഭവം. അവിടെ ഡ്യൂട്ടിയിലുണ്ടായിരുന്ന എഎസ്ഐ കെപി നസീം കലോത്സവത്തിൽ സന്നദ്ധപ്രവർത്തകനായിരുന്ന കോളജ് വിദ്യാർഥിനിയോട് അസഭ്യം പറഞ്ഞതായി പരാതി.

ഡ്യൂട്ടിയിലുള്ള പെൺകുട്ടികളുമായി നമ്പരുകൾ കൈമാറുകയും എന്തെങ്കിലും പ്രശ്‌നങ്ങളുണ്ടെങ്കിൽ തന്നെ വിളിക്കാൻ ആവശ്യപ്പെടുകയും ചെയ്തിരുന്നു. പിന്നീട് രാത്രി പരാതിക്കാരിയായ പെൺകുട്ടിയെ ഇയാൾ തുടർച്ചയായി വിളിച്ചു. വീഡിയോ കോള് ചെയ്ത് ഇയാള് ശല്യം ചെയ്യാന് തുടങ്ങിയതോടെ പെണ് കുട്ടി കോള് കട്ട് ചെയ്തു.

വിളി തുടർന്നതോടെ വിദ്യാർഥിയും മറ്റ് സന്നദ്ധപ്രവർത്തകരും ഇന്നലെ എഎസ്ഐയുടെ അടുത്തെത്തി കാര്യങ്ങൾ അന്വേഷിക്കുകയായിരുന്നു. തുടർന്ന് താൻ പ്രശ്നത്തിലാകുമെന്ന് മനസ്സിലാക്കിയ ഇയാൾ പെൺകുട്ടിയെ ഭീഷണിപ്പെടുത്തി സ്ഥലം വിടുകയും ചെയ്തു.

പാങ്ങോട് സ്‌റ്റേഷനിൽ ഡ്യൂട്ടിയിലായിരുന്നപ്പോഴും കെ.പി.നസീം സമാനമായ പ്രശ്‌നം നേരിട്ടിരുന്നു. കൊല്ലത്തായിരുന്ന ഇയാളെ ശിക്ഷാ നടപടികളുടെ ഭാഗമായി തിരുവനന്തപുരത്തേക്ക് മാറ്റി. മദ്യപിച്ച ശേഷം രാത്രിയിൽ പരാതിക്കാരായ സ്ത്രീകളെ ഇയാൾ വീഡിയോ കോളുകൾ ചെയ്യാറുണ്ടായിരുന്നു.

പെൺകുട്ടി സയൻസ് ഫെസ്റ്റ് അധികൃതർക്ക് പരാതി നൽകി. സംഭവത്തിൽ സ്‌പെഷ്യൽ ബ്രാഞ്ച് അന്വേഷണം നടത്തി റിപ്പോർട്ട് സമർപ്പിച്ചു.