കാർഷിക കോളജിൽ ടെഡ് എക്സ് ടോക് ഷോ സംഘടിപ്പിക്കുന്നു

തിരുവനന്തപുരം: ആഗോള തലത്തിൽ ശ്രദ്ധ നേടിയ ടെഡ് എക്സ് ഇവന്റ് വെള്ളായണി കാർഷിക കോളജിൽ ഇന്ന് നടക്കും. ഈ വർഷം ടെഡ് എക്സ് ടോക് ഷോ നടത്തുന്നതിനായി കേരളത്തിൽ അനുമതി ലഭിച്ച ആകെയുള്ള മൂന്ന് സ്ഥാപനങ്ങളിൽ ഒന്നാണ് കേരള കാർഷിക സർവകലാശാല. കാർഷിക സർവകലാശാല വൈസ് ചാൻസലർ ഡോ. ബി അശോക് ഐ.എ.എസ് പരിപാടി ഉദ്ഘാടനം ചെയ്യും. 

കലാ-കായിക സാംസ്കാരിക മേഖലകളിൽ മികവ് തെളിയിച്ച പ്രമുഖ വ്യക്തികളായ ഡോ. അരുൺ എസ്. നായർ ഐ.എ.എസ്, കേണൽ‍ ഋഷി രാജലക്ഷ്മി, ഡോ. സഞ്ജയ് ബെഹാരി, ബാബു രാമചന്ദ്രൻ, അമൽ മനോജ്, സഞ്ജന ജോർജ്ജ് എന്നിവരാണ് മുഖ്യ പ്രഭാഷകർ. വെള്ളായണി കാർഷിക കോളജ് ഡീൻ ഡോ.റോയ് സ്റ്റീഫൻ, കാർഷിക വിജ്ഞാന വ്യാപന വിദ്യാഭ്യാസ വിഭാഗം മേധാവി ഡോ. അലൻ തോമസ്, അധ്യാപകരായ ഡോ. അർച്ചന ആർ. സത്യൻ, ഡോ. സഫീർ എം. എം, വിദ്യാർത്ഥി പ്രതിനിധികളായ മാളവിക. ജി, ആദർശ് ഷാജി എന്നിവർ പരിപാടിയിൽ പങ്കെടുക്കും.