68 രാജ്യങ്ങളിൽ നിന്നുള്ള 177 ചിത്രങ്ങൾ; ഐഎഫ്എഫ്‌കെ ഇന്ന് തിരുവനന്തപുരത്ത് തുടക്കമാകും
തിരുവനന്തപുരം: 29-ാമത് കേരള രാജ്യാന്തര ചലച്ചിത്രമേളയ്ക്ക് ഇന്ന് നിശാഗന്ധിയിൽ തുടക്കമാകും. വൈകിട്ട് ആറിന് മുഖ്യമന്ത്രി പിണറായി വിജയൻ ഉദ്ഘാടനം ചെയ്യും. മന്ത്രി സജി ചെറിയാൻ അധ്യക്ഷനാകും. പ്രശസ്ത നടി ഷബാന ആസ്മി വിശിഷ്ടാതിഥിയാകും. ലൈഫ് ടൈം അച്ചീവ്‌മെൻ്റ് അവാർഡ് ഹോങ്കോംഗ് ഡയറക്ടർ ആൻ ഹുയിക്ക് മുഖ്യമന്ത്രി നൽകും. 10 ലക്ഷം രൂപയും ശിൽപവും അടങ്ങുന്നതാണ് അവാർഡ്. തുടർന്ന് പ്രശസ്ത ബ്രസീലിയൻ സംവിധായകൻ വാൾട്ടർ സാൽസ് സംവിധാനം ചെയ്ത ഐ ആം സ്റ്റിൽ ഹിയർ എന്ന ഉദ്ഘാടന ചിത്രം പ്രദർശിപ്പിക്കും.
മന്ത്രിമാരായ വി.ശിവൻകുട്ടി ജി.ആർ.അനിൽ, വി.കെ.പ്രശാന്ത് എംഎൽഎ മേയർ ആര്യ രാജേന്ദ്രൻ ജില്ലാപഞ്ചായത്ത് പ്രസിഡൻ്റ് ഡി.സുരേഷ് കുമാർ സാംസ്കാരിക വകുപ്പ് അഡീഷണൽ ചീഫ് സെക്രട്ടറി ഡോ. രാജൻ എൻ. ഖോബ്രഗഡെ സാംസ്കാരിക വകുപ്പ് ഡയറക്ടർ ദിവ്യ എസ്. അയ്യർ, ചലച്ചിത്ര അക്കാദമി ചെയർമാൻ പ്രേംകുമാർ, ഫെസ്റ്റിവൽ ക്യൂറേറ്റർ ഗോൾഡ. സെല്ലം, ജൂറി ചെയർപേഴ്സൺ ആഗ്നസ് ഗോദാർഡ്, കെഎസ്എഫ്ഡിസി ചെയർമാൻ ഷാജി എൻ. കരുണ്, സാംസ്കാരിക പ്രവർത്തക ക്ഷേമനിധി ബോർഡ് ചെയർമാൻ മധുപാൽ, ഫിലിം ചേംബർ പ്രസിഡൻ്റ് ബി.ആർ. ജേക്കബ്, അക്കാദമി സെക്രട്ടറി സി.അജോയ് എന്നിവർ പങ്കെടുക്കും.
20ന് നടക്കുന്ന സമാപന സമ്മേളനത്തിൽ മുഖ്യമന്ത്രി പിണറായി വിജയൻ സ്പിരിറ്റ് ഓഫ് സിനിമാ അവാർഡ് സംവിധായകൻ പായൽ കപാഡിയയ്ക്ക് സമ്മാനിക്കും. 68 രാജ്യങ്ങളിൽ നിന്നുള്ള 177 ചിത്രങ്ങൾ, അന്താരാഷ്ട്ര മത്സര വിഭാഗത്തിൽ 14 സിനിമകൾ, മലയാളം സിനിമ ഇന്ന് ഇന്ത്യൻ സിനിമ ഇപ്പോൾ, ലോക സിനിമ, ഫെസ്റ്റിവൽ ഫേവറിറ്റുകൾ, കൺട്രി ഫോക്കസ്, ഫീമെയിൽ ഗേസ്, ലാറ്റിനമേരിക്കൻ സിനിമ, കലിഡോസ്കോപ്പ്, മിഡ്‌നൈറ്റ് സിനിമ, ആനിമേഷൻ, റീസ്റ്റോർഡ് ക്ലാസിക്കുകൾ, ഹോമേജ്. മുതലായവ
ഓപ്പൺ ഫോറം, സംഭാഷണം, മീറ്റ് ദി ഡയറക്ടർ, അരവിന്ദൻ സ്മാരക പ്രഭാഷണം, പാനൽ ചർച്ച എന്നിവയും ഉണ്ടായിരിക്കും. ഏകദേശം 13,000 പ്രതിനിധികൾക്കും 100 ചലച്ചിത്ര പ്രവർത്തകർക്കും തിയേറ്ററുകളിലെ മൊത്തം സീറ്റുകളുടെ 70 ശതമാനവും റിസർവ് ചെയ്യാം മുതിർന്ന പൗരന്മാർക്ക് പ്രവേശനം ഒഴിവാക്കുക ഡെലിഗേറ്റുകൾക്ക് സൗജന്യ ഇ-ബസ് സേവനം.
\
\