അഫ്ഗാനിസ്ഥാൻ ക്രിക്കറ്റിന് തീരാനഷ്ടം; മുൻ പേസർ ഷപൂർ സദ്രാൻ അന്തരിച്ചു

അഫ്ഗാനിസ്ഥാന്റെ മുൻ ഇടംകൈയ്യൻ പേസർ ഷപൂർ സാദ്രൻ (38) അന്തരിച്ചു. അപൂർവവും ഗുരുതരവുമായ രോഗപ്രതിരോധ സംവിധാനത്തെ ബാധിക്കുന്ന അസുഖത്തെ തുടർന്ന് ചികിത്സയിലിരിക്കെയാണ് അദ്ദേഹത്തിന്റെ മരണം. മരണവിവരം അഫ്‌ഘാനിസ്റ്റാൻ ക്രിക്കറ്റ്‌ ബോർഡ്‌ ഔദ്യോഗികമായി സ്ഥിരീകരിച്ചു. 

2009 മുതൽ 2020 വരെ അഫ്ഗാനിസ്ഥാനുവേണ്ടി കളിച്ച ഷപൂർ സദ്രാൻ 44 ഏകദിനങ്ങളിലും 36 ടി20 അന്താരാഷ്ട്ര മത്സരങ്ങളിലുമായി ആകെ 80 മത്സരങ്ങളിൽ രാജ്യത്തെ പ്രതിനിധീകരിച്ചു. ലോകക്രിക്കറ്റിൽ അഫ്ഗാനിസ്ഥാന്റെ വളർച്ചയ്ക്ക് അടിത്തറ പാകിയ താരങ്ങളിൽ ഒരാളായാണ് അദ്ദേഹത്തെ വിലയിരുത്തുന്നത്. 

2015-ലെ ICC Cricket World Cup 2015-ൽ അഫ്‌ഘാനിസ്റ്റാൻ നാഷണൽ ക്രിക്കറ്റ്‌ ടീം ചരിത്രത്തിലെ ആദ്യ ലോകകപ്പ് ജയം നേടുമ്പോൾ സ്കോലൻഡ് നാഷണൽ ക്രിക്കറ്റ്‌ ടീംനെതിരായ മത്സരത്തിൽ വിജയ റൺസ് നേടിയത് ഷപൂർ സദ്രാനായിരുന്നു. ആ പ്രകടനം അഫ്ഗാൻ ക്രിക്കറ്റ് ചരിത്രത്തിലെ ഏറ്റവും ശ്രദ്ധേയമായ നിമിഷങ്ങളിലൊന്നായി ഇന്നും ഓർമ്മിക്കപ്പെടുന്നു. 

അപൂർവമായ രോഗപ്രതിരോധ വ്യവസ്ഥയുടെ അസുഖമായ ഹീമോഫാഗോസൈറ്റിക് ലിംഫോഹിസ്റ്റിയോസൈറ്റോസിസ് (HLH) ബാധിച്ച് ഇന്ത്യയിലെ ആശുപത്രിയിൽ ചികിത്സയിലായിരുന്നു അദ്ദേഹം. മാസങ്ങളായി ചികിത്സ തുടരുന്നതിനിടെയാണ് അന്ത്യം സംഭവിച്ചത്. 

ഷപൂർ സദ്രാന്റെ നിര്യാണത്തിൽ അഫ്ഗാൻ ക്രിക്കറ്റ് ബോർഡും മുൻ സഹതാരങ്ങളും ലോക ക്രിക്കറ്റ് താരങ്ങളും അനുശോചനം രേഖപ്പെടുത്തി. അഫ്ഗാൻ ക്രിക്കറ്റിന്റെ വളർച്ചയിൽ അദ്ദേഹത്തിന്റെ സംഭാവനകൾ എന്നും ഓർമിക്കപ്പെടുമെന്നും ബോർഡ് പ്രസ്താവനയിൽ പറഞ്ഞു.