ചൂളൻതാറാവുകളുടെ ആക്രമണം; നിമിഷങ്ങൾക്കകം തൈകൾ തിന്നുതീർത്ത് പൊക്കാളി കർഷകർ ദുരിതത്തിൽ

കേരളത്തിന്റെ തനത് ജൈവ നെൽകൃഷിരീതിയായ പൊക്കാളി കൃഷിയിടങ്ങളിൽ ചൂളൻതാറാവുകളുടെ (Lesser Whistling Ducks) കൂട്ടയോട്ടം കർഷകർക്ക് വലിയ തിരിച്ചടിയാകുന്നു. സംരക്ഷിത പക്ഷികളായ ഇവ കൂട്ടമായി എത്തി നട്ട തൈകൾ നിമിഷങ്ങൾക്കകം തിന്നുതീർക്കുന്നതോടെ കർഷകർക്ക് വൻ സാമ്പത്തിക നഷ്ടമാണ് നേരിടേണ്ടിവരുന്നത്. 

വന്യജീവി സംരക്ഷണ നിയമപ്രകാരം സംരക്ഷിത ഇനമായതിനാൽ പക്ഷികളെ ഓടിക്കുകയോ ഉപദ്രവിക്കുകയോ ചെയ്യാൻ കർഷകർക്ക് കഴിയുന്നില്ല. വിള സംരക്ഷിക്കാനും പക്ഷികളെ സംരക്ഷിക്കാനും ഒരുപോലെ കഴിയുന്ന പ്രായോഗിക പരിഹാരം കണ്ടെത്തണമെന്നാണ് കർഷകരുടെ ആവശ്യം. 

കൃഷിനഷ്ടത്തിന് മതിയായ നഷ്ടപരിഹാരവും ഫലപ്രദമായ പ്രതിരോധ മാർഗങ്ങളും ഒരുക്കണമെന്ന് കർഷകർ സർക്കാരിനോട് ആവശ്യപ്പെട്ടു. കൃഷിയും ജൈവവൈവിധ്യ സംരക്ഷണവും ഒരുമിച്ച് മുന്നോട്ട് കൊണ്ടുപോകുന്ന ദീർഘകാല പരിഹാരം അനിവാര്യമാണെന്നാണ് വിദഗ്ധരുടെ അഭിപ്രായം.