2027 ലോകകപ്പ് ടീമിൽ ഭുവനേശ്വർ കുമാറിനെ വേണമെന്ന് ആർ. അശ്വിൻ; സഞ്ജു സാംസണിന് ഇടമില്ല

2027 ഏകദിന ലോകകപ്പിനുള്ള തന്റെ സാധ്യതാ ഇന്ത്യൻ ടീമിനെ മുൻ സ്പിന്നർ ആർ. അശ്വിൻ പ്രഖ്യാപിച്ചു. ഏറെക്കാലമായി ഇന്ത്യൻ ഏകദിന ടീമിന് പുറത്തുള്ള പേസർ ഭുവനേശ്വർ കുമാറിനെ ടീമിൽ ഉൾപ്പെടുത്തണമെന്നാണ് അശ്വിന്റെ അഭിപ്രായം. ദക്ഷിണാഫ്രിക്കൻ സാഹചര്യങ്ങളിൽ പുതിയ പന്തുകൊണ്ടുള്ള ഭുവനേശ്വറിന്റെ സ്വിങ് ഇന്ത്യയ്ക്ക് വലിയ കരുത്താകുമെന്നും അദ്ദേഹം ചൂണ്ടിക്കാട്ടി. 

അതേസമയം, വിക്കറ്റ് കീപ്പർ-ബാറ്റർ സഞ്ജു സാംസണിന് അശ്വിന്റെ ടീമിൽ ഇടം ലഭിച്ചില്ല. റിഷഭ് പന്ത്, അഭിഷേക് ശർമ തുടങ്ങിയ ചില പ്രമുഖ താരങ്ങളെയും അദ്ദേഹം ഒഴിവാക്കിയിട്ടുണ്ട്. ശുഭ്മൻ ഗിൽ, യശസ്വി ജയ്സ്വാൾ, വിരാട് കോഹ്ലി, ഹാർദിക് പാണ്ഡ്യ, ജസ്പ്രീത് ബുംറ, മുഹമ്മദ് സിറാജ്, കുൽദീപ് യാദവ് എന്നിവരെ അശ്വിൻ തന്റെ പ്രധാന ടീമിൽ ഉൾപ്പെടുത്തി. 

2027 ലോകകപ്പിന് ഇനിയും സമയമുള്ളതിനാൽ ഇത് തന്റെ വ്യക്തിപരമായ വിലയിരുത്തൽ മാത്രമാണെന്നും അന്തിമ ടീമിനെ ഇന്ത്യയുടെ പ്രകടനവും താരങ്ങളുടെ ഫോമും അടിസ്ഥാനമാക്കിയായിരിക്കും സെലക്ടർമാർ തീരുമാനിക്കുകയെന്നും അശ്വിൻ വ്യക്തമാക്കി.