അനുപമ പരമേശ്വരൻ ധ്രുവ് വിക്രമിനെ ചെരുപ്പുകൊണ്ട് അടിച്ചോ? അഭ്യൂഹങ്ങൾക്കിടെ സത്യമെന്ത്?

നടി അനുപമ പരമേശ്വരനും നടൻ ധ്രുവ് വിക്രമും തമ്മിൽ ചെന്നൈയിലെ ഒരു ഹോട്ടലിൽ വാക്കുതർക്കമുണ്ടായെന്നും അതിനിടെ അനുപമ ധ്രുവിനെ ചെരുപ്പുകൊണ്ട് അടിച്ചെന്നുമുള്ള വാർത്തകൾ സമൂഹമാധ്യമങ്ങളിൽ വ്യാപകമായി പ്രചരിക്കുകയാണ്. ഇരുവരും പ്രണയത്തിലായിരുന്നുവെന്നും പിന്നീട് വേർപിരിഞ്ഞെന്നുമുള്ള അഭ്യൂഹങ്ങളോടൊപ്പമാണ് ഈ പുതിയ ആരോപണവും ഉയർന്നത്. 

എന്നാൽ, ഈ ആരോപണങ്ങൾക്ക് സ്വതന്ത്രമായ സ്ഥിരീകരണമൊന്നും ലഭിച്ചിട്ടില്ല. അനുപമ പരമേശ്വരനോ ധ്രുവ് വിക്രമോ സംഭവത്തെക്കുറിച്ച് ഔദ്യോഗികമായി പ്രതികരിച്ചിട്ടില്ല. ഇരുവരും പ്രണയത്തിലായിരുന്നുവെന്ന കാര്യം പോലും ഒരിക്കലും സ്ഥിരീകരിച്ചിട്ടില്ല. അതിനാൽ ചെരുപ്പുകൊണ്ട് ആക്രമിച്ചെന്ന പ്രചാരണവും നിലവിൽ സ്ഥിരീകരിക്കപ്പെടാത്ത അഭ്യൂഹമായി മാത്രമാണ് തുടരുന്നത്. 

അടുത്തിടെ അനുപമയുടെ ഇൻസ്റ്റഗ്രാം പോസ്റ്റുകളും ധ്രുവിനെ അൺഫോളോ ചെയ്തതായുള്ള ആരാധകരുടെ കണ്ടെത്തലുകളും വേർപിരിയൽ അഭ്യൂഹങ്ങൾക്ക് കൂടുതൽ ശക്തി പകർന്നിരുന്നു. എന്നാൽ ഇതേക്കുറിച്ചും ഔദ്യോഗിക സ്ഥിരീകരണമൊന്നും ഉണ്ടായിട്ടില്ല.