അച്ഛന്റെ അഭിമാന നിമിഷത്തിന് സാക്ഷിയായി ദുൽഖർ; പദ്മഭൂഷൺ പുരസ്കാരം ഏറ്റുവാങ്ങി മമ്മൂട്ടി

ന്യൂഡൽഹി: ഇന്ത്യൻ സിനിമയ്ക്കുള്ള അഞ്ചു പതിറ്റാണ്ടിലേറെ നീണ്ട സമഗ്ര സംഭാവനകൾക്ക് രാജ്യം സമ്മാനിച്ച പദ്മഭൂഷൺ ബഹുമതി നടൻ മമ്മൂട്ടി രാഷ്ട്രപതി Droupadi Murmuയിൽ നിന്ന് ഏറ്റുവാങ്ങി. ദുൽഖർ സൽമാൻ ഉൾപ്പെടെയുള്ള കുടുംബാംഗങ്ങൾ സാക്ഷിയായ ചടങ്ങ് വികാരനിർഭര നിമിഷങ്ങൾക്കാണ് വേദിയായത്. 

ന്യൂഡൽഹിയിലെ രാഷ്ട്രപദി ഭവനിൽ നടന്ന സിവിൽ ഇൻവെസ്റ്റിച്ചർ ചടങ്ങിൽ ഭാര്യ സുൽഫത്തും മകൻ ദുൽഖറും മമ്മൂട്ടിക്കൊപ്പമുണ്ടായിരുന്നു. പിതാവ് ബഹുമതി ഏറ്റുവാങ്ങുന്ന വേളയിൽ കൈയടിച്ച് അഭിനന്ദിക്കുന്ന ദുൽഖറിന്റെ ദൃശ്യങ്ങൾ സമൂഹമാധ്യമങ്ങളിൽ ശ്രദ്ധ നേടുകയാണ്. 

മലയാള സിനിമയെ ആഗോളതലത്തിൽ ശ്രദ്ധേയമാക്കുന്നതിൽ നിർണായക പങ്കുവഹിച്ച മമ്മൂട്ടിയുടെ അഭിനയജീവിതത്തിനുള്ള അംഗീകാരമായാണ് രാജ്യം ഈ ബഹുമതി നൽകിയത്. 1998-ൽ ലഭിച്ച പദ്മശ്രീയ്ക്ക് ശേഷം ലഭിക്കുന്ന രണ്ടാമത്തെ ദേശീയ സിവിലിയൻ ബഹുമതിയാണിത്.