വമ്പൻ ഫ്രീഡം ഓഫർ!!! വെറും ഒരു രൂപയ്ക്ക് പരിധിയില്ലാത്ത കോളുകളും ഡാറ്റയും നേടൂ

ഭാരത് സഞ്ചാര് നിഗം ലിമിറ്റഡ് (ബിഎസ്എൻഎൽ) ഉപയോക്താക്കളെ ആകർഷിക്കാൻ ഒരു വലിയ ഓഫറുമായി എത്തിയിരിക്കുന്നു. ഒരു രൂപയ്ക്ക് പരിധിയില്ലാത്ത വോയ്‌സ് കോളുകളും 4ജി ഡാറ്റയും ബിഎസ്എൻഎൽ വാഗ്ദാനം ചെയ്യുന്നു. എക്സ്-ഓഗസ്റ്റ് 31 വരെ ഫ്രീഡം ഓഫർ ലഭ്യമാകുമെന്ന് ബിഎസ്എൻഎൽ പ്രഖ്യാപിച്ചു. ഒരു രൂപയ്ക്ക് പരിധിയില്ലാത്ത ലോക്കൽ, നാഷണൽ വോയ്‌സ് കോളുകൾ, പ്രതിദിനം 100 എസ്എംഎസ്, എല്ലാ ദിവസവും 2ജിബി 4ജി മൊബൈൽ ഡാറ്റ, സൗജന്യ സിം എന്നിവ ഓഫറിൽ ഉൾപ്പെടുന്നു.

ഓരോ ദിവസത്തെയും മൊബൈൽ ഡാറ്റ പരിധി തീരുമ്പോൾ ഇന്റർനെറ്റ് വേഗത 40kbps ആയി കുറയ്ക്കുമെന്നും ഉദ്യോഗസ്ഥർ പറഞ്ഞു. ബിഎസ്എൻഎല്ലിന്റെ പുതിയ ഫ്രീഡം ഓഫർ പുതിയ ഉപയോക്താക്കൾക്ക് മാത്രമേ ബാധകമാകൂ. അതായത് നിങ്ങൾ നിലവിൽ ഒരു ബിഎസ്എൻഎൽ ഉപഭോക്താവാണെങ്കിൽ നിങ്ങൾക്ക് ഈ ഓഫർ പ്രയോജനപ്പെടുത്താൻ കഴിയില്ല.

അടുത്തുള്ള ബിഎസ്എൻഎൽ റീട്ടെയിലറെയോ കോമൺ സർവീസസ് സെന്ററിനെയോ സന്ദർശിച്ച് നിങ്ങൾക്ക് ഒരു പുതിയ സിം കാർഡ് ലഭിക്കും. ബിഎസ്എൻഎല്ലിന്റെ സിം കാർഡ് ഡോർ സ്റ്റെപ്പ് ഡെലിവറി സേവനം ഉപയോഗിക്കുന്നവർക്ക് ഫ്രീഡം ഓഫർ ലഭ്യമാകുമോ എന്ന് വ്യക്തമല്ല.

ബിഎസ്എൻഎൽ 1,999 രൂപയുടെ ഒരു വർഷത്തേക്ക് റീചാർജ് പ്ലാനും അവതരിപ്പിച്ചിട്ടുണ്ട്. 600 ജിബി ഡാറ്റയും പരിധിയില്ലാത്ത കോളുകളും ഇതിൽ വാഗ്ദാനം ചെയ്യും.