കുവൈത്തിലെ ചൈനീസ് സ്ഥാപനത്തിന് നേരെ ഇറാൻ ആക്രമണം

കുവൈത്തിന്റെ വടക്കൻ മേഖലയിലുള്ള ഒരു ചൈനീസ് കമ്പനിയുടെ കെട്ടിടത്തിന് നേരെ ഇറാൻ നടത്തിയ ആക്രമണത്തിൽ ഒരാൾ കൊല്ലപ്പെട്ടു. ആക്രമണത്തിൽ കെട്ടിടത്തിന് സാരമായ നാശനഷ്ടമുണ്ടായതായി കുവൈത്ത് അധികൃതർ അറിയിച്ചു. 

അതേസമയം, ഇറാനിൽ നിന്ന് വിക്ഷേപിച്ച അഞ്ച് മിസൈലുകൾ ജോർദാൻ വിജയകരമായി തടഞ്ഞതായി റിപ്പോർട്ടുണ്ട്. മധ്യപൂർവേഷ്യയിൽ സംഘർഷം കൂടുതൽ രാജ്യങ്ങളിലേക്ക് വ്യാപിക്കുന്നതിന്റെ സൂചനയായാണ് പുതിയ സംഭവവികാസങ്ങൾ വിലയിരുത്തപ്പെടുന്നത്. 

അമേരിക്കയും ഇറാനും തമ്മിലുള്ള സംഘർഷം രൂക്ഷമായ സാഹചര്യത്തിൽ കുവൈത്ത് ഉൾപ്പെടെയുള്ള ഗൾഫ് രാജ്യങ്ങളിൽ സുരക്ഷ ശക്തമാക്കിയിട്ടുണ്ട്. മേഖലയിലെ സംഘർഷം കൂടുതൽ വ്യാപിക്കുമെന്ന ആശങ്കയും അന്താരാഷ്ട്രതലത്തിൽ ഉയരുന്നുണ്ട്.