ഇസ്രായേൽ സിറിയയിൽ ബോംബിട്ട് ആയുധ സംഭരണ കേന്ദ്രങ്ങൾ തകർത്തു
ഡമാസ്കസ്: കാൽനൂറ്റാണ്ട് നീണ്ട സ്വേച്ഛാധിപത്യത്തിന് വിരാമമിട്ട് കഴിഞ്ഞ ദിവസം സിറിയ വിമതസേന പിടിച്ചെടുത്തു. പ്രസിഡൻ്റ് ബാഷർ അൽ അസദ് കുടുംബത്തോടൊപ്പം രാജ്യം വിട്ട് മോസ്കോയിലേക്ക് പലായനം ചെയ്തു.
അതിനിടെ, അയൽരാജ്യമായ ഇസ്രായേൽ സിറിയയിൽ കനത്ത ബോംബാക്രമണം നടത്തി. സിറിയയിലെ ആയുധ സംഭരണ കേന്ദ്രങ്ങൾ ഇസ്രായേൽ തകർത്തു. ഇവ വിമതരുടെ കൈകളിൽ എത്താതിരിക്കാനായിരുന്നു ഈ നീക്കം.
ഹിസ്ബുള്ളയ്ക്കെതിരായ തങ്ങളുടെ നടപടിയുടെ നേരിട്ടുള്ള ഫലമാണ് ബഷാറിൻ്റെ പുറത്താക്കലെന്ന് ഇസ്രായേൽ പ്രധാനമന്ത്രി ബെഞ്ചമിൻ നെതന്യാഹു അവകാശപ്പെട്ടു. അസദിൻ്റെ നേരിട്ടുള്ള പിന്തുണക്കാരനാണ് ഹിസ്ബുള്ള. ബഷാറിൻ്റെ ഭരണത്തിൽ നിന്ന് മോചിതരാകാൻ ആഗ്രഹിച്ചവർ നേടിയെടുത്ത ഒരു ചെയിൻ റിയാക്ഷൻ ആണ് വിമത പ്രസ്ഥാനമെന്ന് നെതന്യാഹു സൂചിപ്പിച്ചു.
ദമാസ്കസിന് പുറത്തുള്ള സിറിയൻ പ്രദേശങ്ങൾ സൈന്യം അതിവേഗം പിടിച്ചടക്കിയത് ഇസ്രായേലിൻ്റെ അതിർത്തിയോട് ശത്രുതയുള്ള ഒരു ശക്തിയും അടുക്കില്ലെന്ന് ഉറപ്പാക്കാനാണെന്നും അദ്ദേഹം പറഞ്ഞു. അസദ് കുടുംബത്തിൻ്റെ 53 വർഷത്തെ ഉരുക്കുമുഷ്ടി ഭരണവും ബാത്ത് പാർട്ടിയുടെ സ്വേച്ഛാധിപത്യവും ശനിയാഴ്ച വിമതർ അവസാനിപ്പിച്ചു. ഒരു ഇടക്കാല സർക്കാരിന് അധികാരം കൈമാറുമെന്ന് വിമതർ പ്രഖ്യാപിച്ചു.
വിമതരുമായി സഹകരിക്കുന്ന പ്രധാനമന്ത്രി മുഹമ്മദ് ഗാസി അൽ ജലാലി തിരഞ്ഞെടുപ്പ് നടത്തുമെന്ന് പ്രഖ്യാപിച്ചു. ഇതുമായി ബന്ധപ്പെട്ട് വിമത കമാൻഡർ അബു മുഹമ്മദ് അൽഗോലാനിയുമായി ബന്ധപ്പെട്ടിരുന്നതായും അദ്ദേഹം പറഞ്ഞു.
തലസ്ഥാനമായ ഡമാസ്കസ് വിമതർ പിടിച്ചെടുത്തു. കുപ്രസിദ്ധമായ സെദ്നയ ജയിലിലെ നൂറുകണക്കിന് വിമത തടവുകാരെ മോചിപ്പിച്ചു. 13 വർഷത്തെ ആഭ്യന്തരയുദ്ധത്തിൽ 350,000 പേർ കൊല്ലപ്പെടുകയും ദശലക്ഷക്കണക്കിന് ആളുകൾ തെരുവിലാവുകയും ചെയ്തു. ബശ്ശാറിൻ്റെ സൈന്യത്തിൻ്റെ ചെറുത്തുനിൽപ്പില്ലാതെ വിമതർ ഡമാസ്കസിൽ പ്രവേശിച്ചു. ഈ സമയം നഗരകവാടത്തിൽ ആയിരക്കണക്കിന് ആളുകൾ സ്വാതന്ത്ര്യത്തിൻ്റെ മുദ്രാവാക്യം വിളിച്ചു.
\
\