പ്രിയ സുഹൃത്തുമായി സംസാരിക്കുന്നതിൽ സന്തോഷം

ന്യൂഡൽഹി: യുഎസ് പ്രസിഡന്റ് ഡൊണാൾഡ് ട്രംപിന്റെ ചരിത്രപരമായ രണ്ടാം ടേമിന് അഭിനന്ദനങ്ങൾ അറിയിച്ചുകൊണ്ട് പ്രധാനമന്ത്രി നരേന്ദ്ര മോദി തിങ്കളാഴ്ച അദ്ദേഹവുമായി ടെലിഫോണിൽ സംസാരിച്ചു. ട്രംപ് അമേരിക്കൻ പ്രസിഡന്റായി ചുമതലയേറ്റ് ഒരു ആഴ്ച കഴിഞ്ഞാണ് ഈ കോൾ വന്നത്.

തന്റെ പ്രിയപ്പെട്ട സുഹൃത്ത് എന്ന് വിശേഷിപ്പിച്ച ട്രംപുമായി സംസാരിക്കുന്നതിൽ പ്രധാനമന്ത്രി മോദി സന്തോഷം പ്രകടിപ്പിച്ചു.

സോഷ്യൽ മീഡിയ പ്ലാറ്റ്‌ഫോമായ എക്‌സിലൂടെ പ്രധാനമന്ത്രി ട്രംപിന്റെ രണ്ടാം ടേമിന് ആശംസകൾ നേർന്നു. എന്റെ പ്രിയ സുഹൃത്ത് പ്രസിഡന്റ് @realDonaldTrump @POTUS മായി സംസാരിക്കുന്നതിൽ സന്തോഷം.

അദ്ദേഹത്തിന്റെ ചരിത്രപരമായ രണ്ടാം ടേമിന് അഭിനന്ദനങ്ങൾ. പരസ്പര പ്രയോജനകരവും വിശ്വസനീയവുമായ ഒരു പങ്കാളിത്തത്തിന് ഞങ്ങൾ പ്രതിജ്ഞാബദ്ധരാണ് അദ്ദേഹം തന്റെ പോസ്റ്റിൽ എഴുതി.

നമ്മുടെ ജനങ്ങളുടെ ക്ഷേമത്തിനും ആഗോള സമാധാനത്തിനും അഭിവൃദ്ധിക്കും സുരക്ഷയ്ക്കും വേണ്ടി ഞങ്ങൾ ഒരുമിച്ച് പ്രവർത്തിക്കും പ്രധാനമന്ത്രി മോദി കൂട്ടിച്ചേർത്തു.