യുഎഇയിലെ ഇന്ത്യൻ പാസ്പോർട്ട് സേവനങ്ങളിൽ വൻ മാറ്റം; ഇനി BLS ഇല്ല, പുതിയ സംവിധാനത്തിലൂടെ കൂടുതൽ സൗകര്യങ്ങൾ
യുഎഇയിലെ ഇന്ത്യൻ പാസ്പോർട്ട്, വിസ, കോൺസുലർ സേവനങ്ങൾക്ക് ഇനി BLS ഇന്റർനാഷണലിന്റെ സേവനം അവസാനിപ്പിച്ച് പുതിയ സംവിധാനം നടപ്പിലാക്കി. ഇന്ത്യൻ എംബസിയും കോൺസുലേറ്റും നേരിട്ട് നിയന്ത്രിക്കുന്ന ഓൺലൈൻ അപ്പോയിന്റ്മെന്റ് സംവിധാനവും പുതിയ സേവനദാതാവുമാണ് ഇനി സേവനങ്ങൾ കൈകാര്യം ചെയ്യുന്നത്.
പുതിയ സംവിധാനത്തിലൂടെ അപ്പോയിന്റ്മെന്റ് ബുക്ക് ചെയ്യാൻ പ്രത്യേക ഫീസ് നൽകേണ്ടതില്ല. അപ്പോയിന്റ്മെന്റിനായി മൂന്നാംകക്ഷികളെയോ ഏജൻസികളെയോ ആശ്രയിക്കേണ്ടതില്ലെന്നും, ആരും ബുക്കിങ്ങിന് പണം ഈടാക്കാൻ അധികാരമുള്ളവരല്ലെന്നും ഇന്ത്യൻ അധികൃതർ മുന്നറിയിപ്പ് നൽകി.
പുതിയ സംവിധാനത്തിന്റെ പ്രധാന ഗുണങ്ങൾ:
സൗജന്യ ഓൺലൈൻ അപ്പോയിന്റ്മെന്റ് ബുക്കിങ്
എംബസിയുടെയും കോൺസുലേറ്റിന്റെയും നേരിട്ടുള്ള മേൽനോട്ടം
കാത്തിരിപ്പ് സമയം കുറയുക
കൂടുതൽ സുതാര്യവും വേഗത്തിലുള്ള സേവനം
പാസ്പോർട്ട്, വിസ, അറ്റസ്റ്റേഷൻ ഉൾപ്പെടെയുള്ള കോൺസുലർ സേവനങ്ങൾ കൂടുതൽ കാര്യക്ഷമമായി ലഭ്യമാകുക.
