മലയാള ചിത്രം ആടുജീവിതം ഓസ്‌കാറിലേക്ക്; പ്രാരംഭ റൗണ്ടിലേക്ക് തിരഞ്ഞെടുത്തു
ബ്ലെസിയുടെ ആടുജീവിതം 97-ാമത് ഓസ്‌കാർ അവാർഡിനുള്ള പ്രാരംഭ റൗണ്ടിൽ തിരഞ്ഞെടുക്കപ്പെട്ടു. മികച്ച ചിത്രത്തിനുള്ള പൊതുവിഭാഗത്തിലാണ് ഇത് തിരഞ്ഞെടുക്കപ്പെട്ടത്. 25 സിനിമകളാണ് ലിസ്റ്റിലുള്ളത്. ഇതിൽ നിന്ന് പത്ത് സിനിമകൾ വോട്ടിങ്ങിലൂടെ തിരഞ്ഞെടുക്കും.
ഇന്ത്യയിൽ നിന്നുള്ള സിനിമകൾ സാധാരണയായി വിദേശ സിനിമാ വിഭാഗത്തിലാണ് പരിഗണിക്കുന്നത്. എന്നിരുന്നാലും മികച്ച ചിത്രത്തിനുള്ള പൊതുവിഭാഗത്തിൽ ഒരു ഇന്ത്യൻ സിനിമ പരിഗണിക്കപ്പെടുന്നത് അപൂർവമാണ്. ജനുവരി എട്ടിന് ആരംഭിക്കുന്ന വോട്ടെടുപ്പ് 12 വരെ നടത്താം. വോട്ടിംഗ് ശതമാനം കണക്കാക്കിയ ശേഷമായിരിക്കും രണ്ടാം റൗണ്ടിലേക്കുള്ള പ്രവേശനം.
നേരത്തെ മലയാളം സിനിമ 2018 ലും സമാനമായ രീതിയിൽ പ്രാഥമിക റൗണ്ടിൽ പ്രവേശിച്ചെങ്കിലും അത് മുന്നോട്ട് പോകാനായില്ല. മലയാളത്തിൽ ഏറ്റവുമധികം വായിക്കപ്പെട്ട നോവലിനെ ബ്ലെസി സിനിമയാക്കി മാറ്റിയപ്പോൾ അതൊരു അവിസ്മരണീയ കാഴ്ചയായി. ചിത്രത്തിൽ നായകനായ നജീബിനെയാണ് പൃഥ്വിരാജ് അവതരിപ്പിച്ചത്. മികച്ച നടനടക്കം ഏഴ് സംസ്ഥാന അവാർഡുകൾ ഈ ചിത്രത്തിന് ലഭിച്ചു.
\
\