പിറന്നാൾ ദിനത്തിൽ കരുത്ത് കാട്ടി മെസി; ജിം വീഡിയോ വൈറൽ

ബ്യൂണസ് ഐറിസ്: തന്റെ 39-ാം പിറന്നാൾ ദിനത്തിൽ ആരാധകരെ ആവേശത്തിലാഴ്ത്തി അർജന്റീനൻ സൂപ്പർതാരം ലയണൽ മെസ്സി . സോഷ്യൽ മീഡിയയിൽ പങ്കുവെച്ച പുതിയ ജിം വർക്ക്‌ഔട്ട് വീഡിയോയാണ് ഇപ്പോൾ ഫുട്ബോൾ ലോകത്ത് ചർച്ചയാകുന്നത്.

വീഡിയോയിൽ മികച്ച ഫിറ്റ്നസോടെയും ശക്തമായ ശരീരഘടനയോടെയും പരിശീലനം നടത്തുന്ന മെസിയെ കാണാം. പ്രായം വെറും അക്കങ്ങൾ മാത്രമാണെന്ന് തെളിയിക്കുന്ന തരത്തിലുള്ള താരത്തിന്റെ പ്രകടനം ആരാധകരെ അമ്പരപ്പിച്ചു.

2026 ലോകകപ്പിനെ ലക്ഷ്യമിട്ട് മെസി കഠിന പരിശീലനം തുടരുകയാണെന്ന വിലയിരുത്തലാണ് ഫുട്ബോൾ വിദഗ്ധർ നടത്തുന്നത്. അടുത്തിടെ 2030 ലോകകപ്പിനെക്കുറിച്ചുള്ള ചോദ്യങ്ങൾക്ക് മറുപടി നൽകുമ്പോൾ, ഭാവിയെക്കുറിച്ച് അധികം ചിന്തിക്കാതെ ഇപ്പോഴത്തെ കാര്യങ്ങളിൽ ശ്രദ്ധ കേന്ദ്രീകരിക്കുകയാണെന്ന് താരം വ്യക്തമാക്കിയിരുന്നു.

ഇപ്പോൾ പുറത്തുവന്ന ജിം വീഡിയോ ആ വാക്കുകൾക്ക് കൂടുതൽ ശക്തി നൽകുന്നതാണ്. ഫിറ്റ്നസ്, അച്ചടക്കം, കഠിനാധ്വാനം എന്നിവയിൽ ഇന്നും വിട്ടുവീഴ്ചയില്ലെന്ന് മെസി വീണ്ടും തെളിയിക്കുകയാണെന്നാണ് ആരാധകരുടെ അഭിപ്രായം.

സോഷ്യൽ മീഡിയയിൽ ലക്ഷക്കണക്കിന് ആളുകളാണ് വീഡിയോ ഇതിനോടകം കണ്ടത്. “39 വയസ്സിലും ഇത്രയും ഫിറ്റ്”, “ലോകകപ്പിനായുള്ള ഒരുക്കങ്ങൾ തുടങ്ങി”, “ഇതിഹാസം ഇപ്പോഴും മിഷനിലാണ്” തുടങ്ങിയ കമന്റുകളാണ് കൂടുതലും പ്രത്യക്ഷപ്പെടുന്നത്.

നിലവിൽ ഇന്റർ മിയമി CFയ്ക്കും അർജന്റീന ദേശീയ ടീമിനുമായി കളിക്കുന്ന മെസി, പ്രായത്തെ വെല്ലുന്ന പ്രകടനത്തിലൂടെ ലോക ഫുട്ബോളിലെ ഏറ്റവും വലിയ താരങ്ങളിലൊരാളെന്ന സ്ഥാനം വീണ്ടും ഉറപ്പിക്കുകയാണ്.