ട്രംപിന്റെ ഇറാൻ നയത്തിനെതിരെ അമേരിക്കയിൽ എതിർപ്പ് ശക്തം

അമേരിക്കൻ പ്രസിഡന്റ് ഡൊണാൾഡ് ട്രംപിന്റെ ഇറാൻ നയത്തിനെതിരെ അമേരിക്കൻ ജനങ്ങൾക്കിടയിൽ എതിർപ്പ് ശക്തമാകുന്നതായി പുതിയ സർവേ. ഇറാനിലേക്ക് അമേരിക്കൻ കരസേനയെ അയയ്ക്കുന്നതിനെ 79 ശതമാനം പേരും എതിർക്കുന്നുവെന്നാണ് സർവേ വ്യക്തമാക്കുന്നത്. 

യു.എസ്.-ഇറാൻ സംഘർഷം കൂടുതൽ വ്യാപിക്കുന്നതിലും ദീർഘകാല സൈനിക ഇടപെടലിന്റെ പ്രത്യാഘാതങ്ങളിലുമുള്ള ആശങ്കയാണ് പൊതുജനാഭിപ്രായത്തിൽ പ്രതിഫലിക്കുന്നതെന്ന് സർവേ സൂചിപ്പിക്കുന്നു. ട്രംപ് ഭരണകൂടം യുദ്ധലക്ഷ്യങ്ങൾ വ്യക്തമായി വിശദീകരിച്ചിട്ടില്ലെന്നാണ് ഭൂരിഭാഗം പേരുടെയും അഭിപ്രായം. 

സംഘർഷം നീണ്ടുപോകുമെന്ന ആശങ്കയും അമേരിക്കക്കാർക്കിടയിൽ വർധിക്കുന്നതായി സർവേ ചൂണ്ടിക്കാട്ടുന്നു. ഉയരുന്ന യുദ്ധച്ചെലവും അമേരിക്കൻ സൈനികരുടെ മരണവും പൊതുജനാഭിപ്രായത്തെ സ്വാധീനിക്കുന്ന പ്രധാന ഘടകങ്ങളാണെന്നും റിപ്പോർട്ടിൽ പറയുന്നു.