കേരളത്തിൽ നിന്ന് ഇറാനിലേക്ക് അവയവ കടത്ത്; അവയവക്കടത്ത് മാഫിയയിലെ പ്രധാന കണ്ണി പിടിയിൽ

കൊച്ചി: അവയവക്കടത്ത് സംഘത്തലവൻ പിടിയിൽ. തൃശൂർ വലപ്പാട് സ്വദേശി സാബിത് നാസറാണ് അറസ്റ്റിലായത്. നെടുമ്പാശ്ശേരി വിമാനത്താവളത്തിൽ വെച്ച് അവയവക്കടത്തിന് ആളെ കൂട്ടിക്കൊണ്ടുപോയി മടങ്ങുന്നതിനിടെയാണ് അറസ്റ്റ്.

അവയവക്കടത്തിനുവേണ്ടിയാണ് ഇയാൾ ആളെ ഇറാനിലേക്ക് കൊണ്ടുപോയത്. അവിടെയുള്ള ഒരു ആശുപത്രിയിൽ വച്ചാണ് ശസ്ത്രക്രിയ നടത്തിയതെന്ന് കണ്ടെത്തി. വൃക്ക വ്യാപാരം നടത്തി വരികയായിരുന്നു. ഒരു മാധ്യമ റിപ്പോർട്ട് അനുസരിച്ച്, അദ്ദേഹം ചെറിയ തുകയ്ക്ക് ആളുകളെ ഇറാനിലേക്ക് കൊണ്ടുവന്ന് അവയവങ്ങൾ വിളവെടുക്കുകയും അന്താരാഷ്ട്ര വിപണിയിൽ വലിയ തുകയ്ക്ക് വിൽക്കുകയും ചെയ്യും.

സാബിത്ത് നിരവധി പേരെ ഇറാനിലേക്ക് കൊണ്ടുവന്നിട്ടുണ്ടെന്നാണ് റിപ്പോർട്ട്. വലിയൊരു തുക നൽകുമെന്ന് ആദ്യം ആളുകളോട് പറയുമെങ്കിലും അവയവം മോഷ്ടിച്ച ശേഷം അവരെ കബളിപ്പിക്കും. ചെറിയ തുക കൊടുത്ത് ആളുകളെ തിരികെ കൊണ്ടുവരികയായിരുന്നു. പ്രതിയുടെ ഫോണിൽ നിന്ന് അവയവ കച്ചവടം സംബന്ധിച്ച് പോലീസിന് വിവരം ലഭിച്ചതായാണ് സൂചന.

സാബിത് നാസറിനെതിരെ കൂടുതൽ പരാതികൾ ലഭിച്ചിട്ടുണ്ടെന്ന് ആലുവ റൂറൽ എസ്പി മാധ്യമങ്ങളോട് പറഞ്ഞു. അവയവക്കടത്ത് മാഫിയയിലെ പ്രധാന കണ്ണിയാണ് സാബിത് നാസർ. ചോദ്യം ചെയ്യൽ പൂർത്തിയായെങ്കിലും കൂടുതൽ വിവരങ്ങൾ ഇപ്പോൾ വെളിപ്പെടുത്താനാകില്ലെന്ന് ആലുവ റൂറൽ എസ്പി പ്രതികരിച്ചു.

സാബിത് നാസറിനെ ഇന്ന് കോടതിയിൽ ഹാജരാക്കുമെന്ന് പോലീസ് അറിയിച്ചു. പരാതിക്കാരിൽ നിന്ന് മൊഴിയെടുക്കാൻ അന്വേഷണ സംഘം പാലക്കാട്ടേക്ക് പോകുമെന്നും റിപ്പോർട്ടുകളുണ്ട്.