വര്ക്കല ബീച്ചിലെ ഫ്ലോട്ടിങ് ബ്രിഡ്ജിലുണ്ടായ അപകടത്തില് നിരവധി പേര്ക്ക് പരിക്ക്
Mar 9, 2024, 17:47 IST
![varkala](https://timeofkerala.com/static/c1e/client/98493/uploaded/647d29bf9d68a1b9fe07ce732f27fcf0.png)
തിരുവനന്തപുരം: വര്ക്കല ബീച്ചിലെ ഫ്ലോട്ടിങ് ബ്രിഡ്ജിലുണ്ടായ അപകടത്തില് നിരവധി പേര്ക്ക് പരിക്ക്. കുട്ടികളും സ്ത്രീകളും ഉള്പ്പെടെ 15 പേര്ക്ക് പരിക്കറ്റു. ഇതില് രണ്ടുപേരുടെ നില ഗുരുതരമാണ്. ശക്തമായ തിരയില് പെട്ട് ഫ്ലോട്ടിങ് ബ്രിഡ്ജിന്റെ കൈവരി തകരുകയായിരുന്നു. ശക്തമായി തിരമാല വീണ്ടും അടിച്ചതോടെ ഫ്ലോട്ടിങ് ബ്രിഡ്ജിലുണ്ടായിരുന്നവര് കടലിലേക്ക് പതിച്ചു.
ലൈഫ് ജാക്കറ്റ് ധരിച്ചിരുന്നെങ്കിലും ശക്തമായ തിരയില് പെട്ടതോട കടലില് വീണവര്ക്ക് പെട്ടെന്ന് കരയിലേക്ക് നീങ്ങാനായില്ല. സുരക്ഷാ ജീവനക്കാര് ഉടൻ തന്നെ കടലില് വീണവരെ പുറത്തെത്തിക്കുകയായിരുന്നു. ഇവരെ ഉടൻ തന്നെ ആശുപത്രിയിലേക്ക് മാറ്റി. 15 പേരില് രണ്ടുപേരുടെ നില ഗുരുതരമാണെന്ന് അധികൃതര് അറിയിച്ചു.