പരാജയത്തിന്റെ കയ്പും ദുഃഖവും കൈകാര്യം ചെയ്യേണ്ടതുണ്ട്; അതൊക്കെ എനിക്ക് പുതുമയല്ല': കാർലോ ആൻസലോട്ടി

കാർലോ ആൻസിലോട്ടി പരിശീലിപ്പിക്കുന്ന ബ്രസീൽ ലോകകപ്പിൽ നോർവേയോട് ഏറ്റ പരാജയത്തിന് പിന്നാലെ നിരാശ മറച്ചുവെക്കാതെ പ്രതികരിച്ചു. പരാജയത്തിന്റെ കയ്പും അതുണ്ടാക്കുന്ന ദുഃഖവും അംഗീകരിച്ച് മുന്നോട്ടുപോകേണ്ടതുണ്ടെന്നും, പരിശീലകനെന്ന നിലയിൽ അത്തരം അനുഭവങ്ങൾ തനിക്ക് പുതുമയല്ലെന്നും ആൻസലോട്ടി പറഞ്ഞു.

"പരാജയത്തിന്റെ ദുഃഖവും കയ്പും കൈകാര്യം ചെയ്യേണ്ടതുണ്ട്. ഞാൻ അതിന് ഏറെ പരിചയപ്പെട്ട ആളാണ്. ഫുട്ബോളിൽ വിജയങ്ങൾ മാത്രമല്ല, തോൽവികളും പഠിക്കേണ്ട പാഠങ്ങളാണ്," എന്നാണ് മത്സരശേഷം അദ്ദേഹം പ്രതികരിച്ചത്.

ലോകകപ്പ് പോലൊരു വേദിയിൽ പുറത്താകുന്നത് നിരാശാജനകമാണെങ്കിലും, ടീമിന്റെ പരിശ്രമത്തിൽ അഭിമാനമുണ്ടെന്നും അദ്ദേഹം വ്യക്തമാക്കി. താരങ്ങൾ അവസാന നിമിഷം വരെ പോരാടിയെന്നും, ഈ തോൽവി ഭാവിയിലേക്കുള്ള പാഠമായി കാണണമെന്നും ആൻസലോട്ടി കൂട്ടിച്ചേർത്തു.

അതേസമയം, നിർണായക മത്സരത്തിൽ ബ്രസീലിനെ വീഴ്ത്തിയ നോർവേ മികച്ച പ്രകടനമാണ് കാഴ്ചവെച്ചത്. പ്രതിരോധത്തിലും ആക്രമണത്തിലും മികവ് പുലർത്തിയ നോർവേ അർഹിച്ച വിജയമാണ് നേടിയതെന്ന് ആൻസലോട്ടി സമ്മതിച്ചു.

ഈ തോൽവിയോടെ ബ്രസീലിന്റെ ലോകകപ്പ് കിരീട പ്രതീക്ഷകൾ അവസാനിച്ചപ്പോൾ, നോർവേ അടുത്ത ഘട്ടത്തിലേക്ക് മുന്നേറി. ആൻസലോട്ടിയുടെ പ്രതികരണം ഫുട്ബോൾ ആരാധകർക്കിടയിൽ വലിയ ചർച്ചയായി മാറിയിരിക്കുകയാണ്.