‘ദി ഒഡിസ്സി’ക്ക് ഇൻഫ്ലുവൻസർ പ്രദർശനമില്ല; പരമ്പരാഗത റിലീസ് തന്ത്രവുമായി ക്രിസ്റ്റഫർ നോളൻ

സംവിധായകൻ ക്രിസ്റ്റോഫർ നോളാൻ യുടെ ഏറ്റവും പുതിയ ചിത്രം 'The Odyssey' ജൂലൈ 17-ലെ തിയേറ്റർ റിലീസിന് മുമ്പ് സോഷ്യൽ മീഡിയ ഇൻഫ്ലുവൻസർമാർക്കായി പ്രത്യേക പ്രദർശനങ്ങൾ നടത്തില്ലെന്ന് റിപ്പോർട്ട്. സമീപകാല ഹോളിവുഡ് ട്രെൻഡിൽ നിന്ന് വ്യത്യസ്തമായ ഈ തീരുമാനത്തിലൂടെ ചിത്രത്തിന്റെ ആദ്യ പ്രദർശനങ്ങൾ സിനിമാ നിരൂപകർക്കും മാധ്യമപ്രവർത്തകർക്കുമാകും ലഭിക്കുക. 

സമീപ വർഷങ്ങളിൽ നിരവധി സ്റ്റുഡിയോകൾ റിലീസിന് മുമ്പ് ഇൻഫ്ലുവൻസർമാരെ ക്ഷണിച്ച് സോഷ്യൽ മീഡിയയിൽ ആദ്യ പ്രതികരണങ്ങൾ സൃഷ്ടിക്കുന്ന രീതിയാണ് പിന്തുടർന്നിരുന്നത്. എന്നാൽ Universal Pictures ഈ രീതിയിൽ നിന്ന് വിട്ടുനിൽക്കുകയും ചിത്രത്തിന്റെ ആദ്യ വിലയിരുത്തൽ പ്രൊഫഷണൽ നിരൂപകർക്ക് നൽകുകയും ചെയ്യുന്നതാണ് റിപ്പോർട്ടുകൾ. 

The Odyssey ഗ്രീക്ക് കവി Homerയുടെ ഇതിഹാസ കാവ്യത്തെ ആസ്പദമാക്കിയുള്ള ചിത്രമാണ്. ഒഡീസ്യസായി Matt Damon എത്തുന്ന ചിത്രത്തിൽ Tom Holland, Anne Hathaway, Zendaya, Robert Pattinson തുടങ്ങി വൻ താരനിരയാണ് അണിനിരക്കുന്നത്. ചിത്രം പൂർണമായും IMAX ഫിലിം ക്യാമറകളിൽ ചിത്രീകരിച്ചതെന്ന പ്രത്യേകതയും ഇതിനുണ്ട്. 

ജൂലൈ 17-ന് ലോകമെമ്പാടും തിയേറ്ററുകളിലെത്തുന്ന ചിത്രത്തിന് ഇതിനോടകം തന്നെ വൻ പ്രതീക്ഷയാണ് ഉള്ളത്. IMAX പ്രദർശനങ്ങളുടെ മുൻകൂർ ടിക്കറ്റ് വിൽപ്പനയും റെക്കോർഡ് നേട്ടം കൈവരിച്ചെന്നാണ് റിപ്പോർട്ടുകൾ.