ലോകം വിടപറയുന്നു; ഫ്രാൻസിസ് മാർപാപ്പ സാന്താ മരിയ മാഗിയോർ ബസിലിക്കയിൽ അന്ത്യവിശ്രമം കൊള്ളുന്നു

വത്തിക്കാൻ സിറ്റി: ഫ്രാൻസിസ് മാർപാപ്പയുടെ മൃതദേഹം സംസ്കരിച്ചു. ഫ്രാൻസിസ് മാർപാപ്പയുടെ അന്ത്യവിശ്രമസ്ഥലം സാന്താ മരിയ മാഗിയോർ ബസിലിക്കയാണ്. സെന്റ് പീറ്റേഴ്‌സ് ബസിലിക്കയിലെ ശവസംസ്കാര ശുശ്രൂഷകൾ പൂർത്തിയായ ശേഷം മൃതദേഹം ഘോഷയാത്രയായി സെന്റ് മേരി മേജർ ബസിലിക്കയിലേക്ക് കൊണ്ടുപോയി. സെന്റ് പീറ്റേഴ്‌സ് സ്‌ക്വയർ ജനസാഗരമായി രൂപാന്തരപ്പെട്ടു.

വിശ്വാസ തിരുസംഘത്തിന്റെ തലവനായ കർദ്ദിനാൾ ജിയോവാനി ബാറ്റിസ്റ്റ സംസ്കാര ചടങ്ങുകൾക്ക് നേതൃത്വം നൽകി. സീറോ-മലബാർ സഭയുടെ മേജർ ആർച്ച്ബിഷപ് മാർ റാഫേൽ തട്ടിൽ, മേജർ ആർച്ച്ബിഷപ് കർദ്ദിനാൾ മാർ ബസേലിയോസ് ക്ലീമിസ്, കാതോലിക്കോസ്, കർദ്ദിനാൾ മാർ ജോർജ് ജേക്കബ് കൂവക്കാട്, മേജർ ആർച്ച്ബിഷപ് എമറിറ്റസ് കർദ്ദിനാൾ മാർ ജോർജ് ആലഞ്ചേരി തുടങ്ങിയവർ സംസ്കാര ചടങ്ങുകളിൽ പങ്കെടുത്തു.

ഫ്രാൻസിസ് മാർപാപ്പയുടെ സംസ്കാര ചടങ്ങുകൾക്ക് സാക്ഷ്യം വഹിക്കാൻ 130 രാജ്യങ്ങളിൽ നിന്നുള്ള പ്രതിനിധികൾ എത്തി. ഇന്ത്യൻ പ്രസിഡന്റ് ദ്രൗപതി മുർമു പോപ്പിന്റെ മൃതദേഹത്തിൽ പുഷ്പചക്രം അർപ്പിച്ചു. മറ്റ് ലോക നേതാക്കളും സംസ്കാര ചടങ്ങിൽ പങ്കെടുത്തു. കേന്ദ്രമന്ത്രി കിരൺ റിജിജു, കേന്ദ്ര സഹമന്ത്രി ജോർജ്ജ് കുര്യൻ, മന്ത്രി റോഷി അഗസ്റ്റിൻ (കേരള സർക്കാരിനെ പ്രതിനിധീകരിച്ച്) എന്നിവരും എത്തി.

യുഎസ് പ്രസിഡന്റ് ഡൊണാൾഡ് ട്രംപ്, ബ്രിട്ടീഷ് പ്രധാനമന്ത്രി കെയർ സ്റ്റാർമർ, ഇറ്റാലിയൻ പ്രധാനമന്ത്രി ജോർജിയ മെലോണി, അർജന്റീന പ്രസിഡന്റ് ജാവിയർ മിലായ്, ഫിലിപ്പീൻസ് പ്രസിഡന്റ് ഫെർഡിനാൻഡ് മാർക്കോസ്, യുഎൻ സെക്രട്ടറി ജനറൽ അന്റോണിയോ ഗുട്ടെറസ്, ഉക്രേനിയൻ പ്രസിഡന്റ് വോളോഡിമർ സെലെൻസ്‌കി എന്നിവരും പോപ്പിന്റെ സംസ്കാര ചടങ്ങിൽ പങ്കെടുക്കാൻ എത്തിയിട്ടുണ്ട്.