വടക്കഞ്ചേരിയിൽ ശബരിമല ഭക്തർ സഞ്ചരിച്ച ബസ് മറിഞ്ഞ് 15 പേർക്ക് പരിക്ക്

പാലക്കാട്: വടക്കഞ്ചേരി ദേശീയപാതയിൽ ശബരിമല ഭക്തർ സഞ്ചരിച്ചിരുന്ന ബസ് മറിഞ്ഞ് 15 യാത്രക്കാർക്ക് പരിക്കേറ്റു. വ്യാഴാഴ്ച പുലർച്ചെയായിരുന്നു അപകടം. പരിക്കേറ്റവരെ ഉടൻ ആലത്തൂർ താലൂക്ക് ആശുപത്രിയിൽ പ്രവേശിപ്പിച്ചു. പരിക്കുകളൊന്നും ഗുരുതരമല്ല.

തമിഴ്നാട്ടിലെ തിരുട്ടണിയിൽ നിന്ന് ശബരിമലയിലേക്ക് പോവുകയായിരുന്ന 25 പേരുമായി പോവുകയായിരുന്ന ബസാണ് മറിഞ്ഞത്. വാഹനം നിയന്ത്രണം വിട്ട് ഡിവൈഡറിൽ ഇടിച്ചതായി ഹൈവേ പോലീസ് പറഞ്ഞു. ബസ് തലകീഴായി മറിഞ്ഞ ഉടൻ പിറകിൽ നിന്ന് വന്ന ലോറി ബസിൽ ഇടിക്കുകയായിരുന്നു. നാട്ടുകാരും ഫയർഫോഴ്‌സും പോലീസും സംയുക്തമായാണ് രക്ഷാപ്രവർത്തനം നടത്തിയത്.