കോഴിഫാമിൽ വൻ തീപിടിത്തം: 3000 കോഴികൾ ചത്തു

മണ്ണാർക്കാട്: കണ്ടമംഗലം പനമ്പള്ളി അരിയൂരിൽ ഫൈസലിൻ്റെ ഉടമസ്ഥതയിലുള്ള കോഴിഫാമിലുണ്ടായ വൻ തീപിടിത്തത്തിൽ 3000 കോഴികൾ ചത്തു. തിങ്കളാഴ്ച രാത്രി 10.30 ഓടെ തൊഴിലാളികളാരും പരിസരത്ത് ഇല്ലാതിരുന്ന സമയത്താണ് തീപിടിത്തമുണ്ടായത്. കോഴിക്കുഞ്ഞുങ്ങളുടെ ശബ്ദം കേട്ടെത്തിയ അതിഥി തൊഴിലാളികൾ ഉടമയെ വിവരമറിയിച്ചു.

ചൂട് ലഘൂകരിക്കാൻ ഫാമിൽ തകര മേൽക്കൂരയ്ക്ക് താഴെ തെങ്ങും കയർ ഷീറ്റും ഉണ്ടായിരുന്നു. തുടർച്ചയായി പ്രവർത്തിക്കുന്ന കാലഹരണപ്പെട്ട വയറിങ് സംവിധാനത്തിലുണ്ടായ ഷോർട്ട് സർക്യൂട്ടാണ് തീപിടിത്തത്തിന് കാരണമെന്ന് അഗ്നിശമനസേനാ ഉദ്യോഗസ്ഥർ കണ്ടെത്തി.

മണ്ണാർക്കാട് വട്ടമ്പലത്ത് നിന്നെത്തിയ ഫയർഫോഴ്‌സ് സ്ഥലത്തെത്തി ഒന്നരമണിക്കൂറിലേറെ പരിശ്രമിച്ചാണ് തീ അണച്ചത്. സീനിയർ ഫയർ ആൻഡ് റെസ്‌ക്യൂ ഓഫീസർ ഇൻ ചാർജ് ജി.അജീഷ്, ഫയർ ആൻഡ് റെസ്‌ക്യൂ ഓഫീസർമാരായ വി.സുരേഷ് കുമാർ, ആർ.ശ്രീജേഷ്, കെ.പ്രശാന്ത്, ഷജിത്ത്, ഷോബിൻദാസ്, ഫയർ ആൻഡ് റെസ്‌ക്യൂ ഓഫീസർ ഡ്രൈവർ ടി.സന്ദീപ് എന്നിവർ രക്ഷാപ്രവർത്തനത്തിൽ പങ്കെടുത്തു. . 10 ലക്ഷം രൂപയുടെ നാശനഷ്ടമുണ്ടായതായി ഉടമ കണക്കാക്കുന്നു.