പ്രായപൂർത്തിയാകാത്ത പെൺകുട്ടിയെ പീഡിപ്പിച്ച് ഗർഭിണിയാക്കിയ കേസിൽ 19 കാരൻ അറസ്റ്റിൽ

കോഴിക്കോട്: പ്രായപൂർത്തിയാകാത്ത പെൺകുട്ടിയെ വിവാഹ വാഗ്ദാനം നൽകി ലൈംഗികമായി പീഡിപ്പിച്ച് ഗർഭിണിയാക്കിയ കേസിൽ 19 വയസ്സുകാരൻ അറസ്റ്റിൽ. കടലുണ്ടി സ്വദേശിയായ അഹദ് (19) ആണ് അറസ്റ്റിലായത്. മെഡിക്കൽ കോളേജ് പോലീസ് ഇയാൾക്കെതിരെ പോക്സോ നിയമപ്രകാരം കേസെടുത്തു.

സോഷ്യൽ മീഡിയ വഴിയാണ് അഹദ് പെൺകുട്ടിയുമായി ബന്ധപ്പെട്ടത്. പ്രണയത്തിലായ ശേഷം സ്വകാര്യ ഫോട്ടോകൾ അയയ്ക്കാൻ നിർബന്ധിക്കുകയും പിന്നീട് വിവാഹവാഗ്ദാനം നൽകി ആവർത്തിച്ച് ലൈംഗികമായി പീഡിപ്പിക്കുകയും ചെയ്തുവെന്ന് പോലീസ് പറഞ്ഞു. പെൺകുട്ടി ഗർഭിണിയായപ്പോൾ വിവാഹം കഴിക്കാൻ വിസമ്മതിച്ചു.

ഇതിനെ തുടർന്ന് പെൺകുട്ടി പോലീസിൽ പരാതി നൽകി. അന്വേഷണത്തിന്റെ അടിസ്ഥാനത്തിൽ അനങ്ങാടിയിൽ നിന്ന് അഹദിനെ അറസ്റ്റ് ചെയ്തു. പോക്സോ നിയമപ്രകാരം കേസെടുത്ത് കോടതിയിൽ ഹാജരാക്കി.