അമിത വേഗതയിൽ വന്ന ബസ് ബൈക്കിൽ ഇടിച്ചു, സ്വിഗ്ഗി ഡെലിവറി ഏജന്റ് മരിച്ചു

കൊച്ചി: കളമശ്ശേരിയിൽ ഒരു സ്വകാര്യ ബസ് ബൈക്കിൽ ഇടിച്ചു സ്വിഗ്ഗി ജീവനക്കാരൻ മരിച്ചു. തൃശൂർ കൊടുങ്ങല്ലൂർ സ്വദേശി അബ്ദുൾ സലാം (41) ആണ് മരിച്ചത്. അപകടത്തിൽ ഗുരുതരമായി പരിക്കേറ്റ സലാമിനെ കളമശ്ശേരി മെഡിക്കൽ കോളേജ് ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.

സൗത്ത് കളമശ്ശേരി ഫ്ലൈഓവറിന് സമീപം ഇൻസ്റ്റാമാർട്ട് വെയർഹൗസിൽ നിന്ന് ഒരു ഓർഡർ എടുക്കാൻ പോകുമ്പോഴാണ് സംഭവം നടന്നതെന്ന് റിപ്പോർട്ടുണ്ട്. ഓവർടേക്ക് ചെയ്യാൻ ശ്രമിക്കുന്നതിനിടെ അമിത വേഗതയിൽ വന്ന സ്വകാര്യ ബസ് ബൈക്കിൽ പിന്നിൽ നിന്ന് ഇടിച്ചതായി നാട്ടുകാർ പറഞ്ഞു. അപകടത്തിന്റെ സിസിടിവി ദൃശ്യങ്ങളും പുറത്തുവന്നിട്ടുണ്ട്.