വ്യോമ നിരീക്ഷണം പൂർത്തിയാക്കിയ മോദി കൽപ്പറ്റയിൽ നിന്ന് റോഡ് മാർഗം ചൂരൽമലയിലേക്ക് പുറപ്പെട്ടു

കൽപ്പറ്റ: ഉരുൾപൊട്ടലുണ്ടായ വയനാട്ടിൽ പ്രധാനമന്ത്രി നരേന്ദ്ര മോദി വ്യോമ നിരീക്ഷണം പൂർത്തിയാക്കി. ഏരിയൽ സർവേ പൂർത്തിയാക്കി കൽപ്പറ്റയിൽ നിന്ന് റോഡ് മാർഗം ചൂരൽമലയിലേക്ക് പുറപ്പെട്ടു. ഗവർണർ ആരിഫ് മുഹമ്മദ് ഖാൻ, മുഖ്യമന്ത്രി പിണറായി വിജയൻ, കേന്ദ്ര സഹമന്ത്രി സുരേഷ് ഗോപി, മന്ത്രിതല ഉപസമിതി, മുതിർന്ന ഉദ്യോഗസ്ഥർ. പ്രധാനമന്ത്രിയെ അനുഗമിച്ചു.

കൽപ്പറ്റയിൽ നിന്ന് ദുരന്തമേഖലയിലേക്ക് 24 കിലോമീറ്റർ ദൂരമുണ്ട്. ബെയ്‌ലി പാലം വഴിയാണ് മോദി ഇവിടെയെത്തുക. ബെയ്‌ലി പാലം നിർമിച്ച സൈനികരെ പ്രധാനമന്ത്രി സ്വീകരിക്കും. ദുരന്തബാധിത പ്രദേശങ്ങൾ സന്ദർശിച്ച ശേഷം പ്രധാനമന്ത്രി പരിക്കേറ്റ് ആശുപത്രിയിൽ കഴിയുന്നവരെയും ദുരിതാശ്വാസ ക്യാമ്പുകളിൽ കഴിയുന്നവരെയും സന്ദർശിക്കും. തുടർന്ന് ഉന്നതതല അവലോകന യോഗത്തിൽ പങ്കെടുത്ത ശേഷം പോകും. വയനാട് കളക്ടറേറ്റിലെ എഡിഎമ്മിൻ്റെ ഓഫീസ് പ്രധാനമന്ത്രിയുടെ ഓഫീസായി താൽക്കാലികമായി പ്രവർത്തിക്കും.

പ്രധാനമന്ത്രിയുടെ സന്ദർശനത്തിൻ്റെ ഭാഗമായി വയനാട്ടിൽ ഗതാഗത നിയന്ത്രണം ഏർപ്പെടുത്തി. കൽപ്പറ്റയിലും മേപ്പാടിയിലും നിയന്ത്രണമുണ്ട്. 12 എസ്പിമാരുടെ നേതൃത്വത്തിലാണ് സുരക്ഷ. കേരളം 2000 കോടിയുടെ പാക്കേജ് ആവശ്യപ്പെട്ടു വയനാട്ടിലെ ദുരന്തബാധിത പ്രദേശം സന്ദർശിച്ച കേന്ദ്രസംഘത്തോട് അടിയന്തര പുനരധിവാസത്തിനായി കേരളം പണം അഭ്യർത്ഥിച്ചു. പുനർനിർമാണത്തിന് മാത്രം 2000 കോടിയാണ് ആവശ്യപ്പെട്ടത്. ശുചീകരണ പ്രവർത്തനങ്ങൾ ഉടൻ ആരംഭിക്കണം.

കുറഞ്ഞത് 90 ദിവസമെങ്കിലും ഇതിനായി വേണം. ക്യാമ്പുകൾ നിലവിൽ തുടരും. ദുരന്തബാധിതർക്ക് ദുരിതാശ്വാസ തുക അടിയന്തരമായി നൽകണം. ദുരന്തബാധിതർക്ക് വായ്പ തിരിച്ചടയ്ക്കാൻ ധനകാര്യ സ്ഥാപനങ്ങളെ സമീപിക്കുന്നതിൽ സർക്കാർ കർശന നിലപാടാണ്. വായ്പാ തിരിച്ചടവിൽ ഇളവ് പ്രഖ്യാപിച്ചത് ഉൾപ്പെടെ കേന്ദ്രസംഘത്തിൻ്റെ ശ്രദ്ധയിൽപ്പെടുത്തി.