ഉരുൾപൊട്ടലിൽ ദുരിതമനുഭവിക്കുന്നവർക്ക് സഹായം ലഭ്യമാക്കാൻ എല്ലാ ശ്രമങ്ങളും നടത്തും: പ്രിയങ്ക ഗാന്ധി

വയനാട്: ഉരുൾപൊട്ടലിൽ ദുരിതമനുഭവിക്കുന്ന വയനാട്ടിലെ ജനങ്ങൾക്ക് ആവശ്യമായ സഹായം ലഭ്യമാക്കാൻ തൻ്റെ അധികാരപരിധിക്കുള്ളിൽ നിന്ന് എല്ലാം ചെയ്യുമെന്ന് വയനാട് എംപി പ്രിയങ്ക ഗാന്ധി. പാർലമെൻ്റ് അംഗമായി സത്യപ്രതിജ്ഞ ചെയ്ത ശേഷം വയനാട് മണ്ഡലത്തിൽ പര്യടനം നടത്തുന്നതിനിടെയാണ് പ്രിയങ്ക ഇക്കാര്യം പറഞ്ഞത്.

വയനാട്ടിലെ ജനങ്ങളുടെ പ്രശ്നങ്ങളും പ്രതിസന്ധികളും ഞാൻ പാർലമെൻ്റിൽ ഉന്നയിക്കും. നിങ്ങൾ എനിക്ക് നൽകിയതിന് എൻ്റെ ഹൃദയത്തിൻ്റെ അടിത്തട്ടിൽ നിന്ന് ഞാൻ നന്ദി പറയുന്നു. ദുരന്തത്തെ നേരിട്ട ആളുകളുടെ സഹിഷ്ണുതയിൽ നിന്ന് നമ്മൾ ഒരുപാട് പഠിക്കേണ്ടതുണ്ട്.

ദുരന്തബാധിതരെ സഹായിക്കാൻ കേരളം മുഴുവൻ ഒരുമിച്ചതെങ്ങനെയെന്ന് രാജ്യം മുഴുവൻ കാണുകയും പഠിക്കുകയും വേണം. ദുരന്തത്തിന് ശേഷം വയനാട് സന്ദർശിക്കാൻ സഞ്ചാരികൾ പോലും മടിക്കുന്നു. നമ്മൾ അത് മാറ്റേണ്ടതുണ്ട്. വയനാട്ടിലെ ജനങ്ങൾ മികച്ച ഭാവിക്ക് അർഹരാണെന്നും പ്രിയങ്ക ഗാന്ധി പറഞ്ഞു.

പാർലമെൻ്റിലെ അവസാന ദിവസം വരെ വയനാട്ടിലെ ജനങ്ങൾക്ക് വേണ്ടി ഞാൻ ശബ്ദം ഉയർത്തും. ബിജെപിയുടെ പെരുമാറ്റത്തിൽ രാഷ്ട്രീയ മാന്യതയില്ല. വയനാട് നിയോജക മണ്ഡലത്തിലെ ജനങ്ങൾ നേരിടുന്ന പ്രശ്‌നങ്ങളെക്കുറിച്ച് എനിക്ക് ആഴത്തിൽ ബോധ്യമുണ്ട്. ആ പ്രശ്നങ്ങൾ പരിഹരിക്കാൻ ഞാൻ പോരാടും. ആളുകൾക്ക് അവരുടെ പ്രശ്നങ്ങളുമായി എപ്പോൾ വേണമെങ്കിലും എൻ്റെ അടുത്ത് വരാം.