'എതു മൂഡ് ഓണം മൂഡ്' എന്ന ഗാനത്തിനിടെ കുഴഞ്ഞുവീണു: ഓണാഘോഷ നൃത്തത്തിന് ശേഷം നിയമസഭാ ജീവനക്കാരൻ മരിച്ചു

തിരുവനന്തപുരം: ഓണാഘോഷത്തിന്റെ ഭാഗമായി വേദിയിൽ നൃത്തം ചെയ്യുന്നതിനിടെ നിയമസഭാ ജീവനക്കാരൻ കുഴഞ്ഞുവീണു മരിച്ചു. നിയമസഭാ ഹാളിൽ സംഘടിപ്പിച്ച ഓണാഘോഷത്തിനിടെ നൃത്തം ചെയ്യുന്നതിനിടെ ഡെപ്യൂട്ടി ലൈബ്രേറിയൻ വി ജുനൈസ് (46) കുഴഞ്ഞുവീണു മരിച്ചു.

ഉച്ചകഴിഞ്ഞ് 3 മണിയോടെയാണ് സംഭവം. ബത്തേരി വയനാട് സ്വദേശിയാണ് ജുനൈസ്. കുഴഞ്ഞുവീണതിനെ തുടർന്ന് ജനറൽ ആശുപത്രിയിൽ പ്രവേശിപ്പിച്ചെങ്കിലും ജീവൻ രക്ഷിക്കാനായില്ല. പി.വി. അൻവർ എംഎൽഎ ആയിരുന്നപ്പോൾ അദ്ദേഹത്തിന്റെ പ്രൈവറ്റ് സെക്രട്ടറിയായിരുന്നു ജുനൈസ്.