സംസ്ഥാനത്ത് മദ്യത്തിന് ബെവ്കോ വില കൂട്ടി, പുതിയ നിരക്കുകൾ നാളെ മുതൽ

തിരുവനന്തപുരം: കേരള സ്റ്റേറ്റ് ബിവറേജസ് കോർപ്പറേഷൻ (ബെവ്കോ) സംസ്ഥാനത്ത് മദ്യത്തിന് വില വർദ്ധിപ്പിച്ചു. പുതിയ വില നാളെ മുതൽ പ്രാബല്യത്തിൽ വരും. സ്പിരിറ്റിന്റെ വില വർദ്ധിച്ചതോടെ മദ്യ വിതരണക്കാരുടെ ആവശ്യം കണക്കിലെടുത്താണ് പുതിയ നീക്കം.

ചില ബ്രാൻഡുകളുടെ മദ്യത്തിന് മാത്രമേ വില ഉയരൂ. വില 10 രൂപയിൽ നിന്ന് 50 രൂപയായി ഉയരും. ബെവ്കോ പുതുക്കിയ വില പട്ടിക പുറത്തിറക്കി. 62 കമ്പനികളുടെ 341 ബ്രാൻഡുകളുടെ വില വർദ്ധിക്കും.

ജവാന് സർക്കാർ മദ്യത്തിന് 10 രൂപയുടെ വർദ്ധനവുണ്ടാകും. 640 രൂപ വിലയുള്ള മദ്യത്തിന് 650 രൂപയായിരിക്കും. ഓൾഡ് പോർട്ട് റമ്മിന് 30 രൂപ വർദ്ധിച്ചു. 750 രൂപയ്ക്ക് വിൽക്കുന്ന മദ്യത്തിന് ഇനി 780 രൂപ. 1040 രൂപ വിലയുണ്ടായിരുന്ന എം എച്ച് ബ്രാൻഡി ഇനി 1050 രൂപയാകും. 1350 രൂപ വിലയുണ്ടായിരുന്ന മോർഫിയസ് ബ്രാൻഡിക്ക് ഇനി 1400 രൂപയാകും.

അതേസമയം വില കുറയ്ക്കാൻ തീരുമാനിച്ചിട്ടുണ്ട്. 45 കമ്പനികളുടെ 107 ബ്രാൻഡുകളുടെ വില കുറയും. സംസ്ഥാനത്ത് 15 മാസത്തിനു ശേഷമാണ് മദ്യത്തിന്റെ വില കൂട്ടാനുള്ള തീരുമാനം.