പ്ലസ് വൺ വിദ്യാർത്ഥിനിയെ ലൈംഗികമായി ചൂഷണം ചെയ്തതിന് ഡിവൈഎഫ്ഐ നേതാവടക്കം 16 പേർക്കെതിരെ കേസ്

പത്തനംതിട്ട: പ്ലസ് വൺ വിദ്യാർത്ഥിനിയെ ലൈംഗികമായി പീഡിപ്പിച്ച കേസിൽ അറസ്റ്റിലായവരിൽ ഒരാൾ ഡി.വൈ.എഫ്.ഐ. പെരുനാട് മേഖലാ പ്രസിഡൻ്റ് ജോയൽ തോമസാണ് അറസ്റ്റിലായ നേതാവ്. ഡിവൈഎസ്പി ഓഫീസിലാണ് ഇയാൾ കീഴടങ്ങിയത്.

കേസിൽ മൂന്ന് പേരെ ഇന്നലെ അറസ്റ്റ് ചെയ്തിരുന്നു. കെഎസ്ഇബി ജീവനക്കാരൻ മുഹമ്മദ് റാഫി സജ്ജാദും പ്രായപൂർത്തിയാകാത്ത ആളുമാണ് അറസ്റ്റിലായത്. പ്രായപൂർത്തിയാകാത്തയാളെ ജുവനൈൽ ബോർഡിന് മുന്നിൽ ഹാജരാക്കും. വിദ്യാർഥിനിയെ ലൈംഗികമായി പീഡിപ്പിച്ചതിന് 16 പേർക്കെതിരെ കേസെടുത്തു. ഇവരുടെ നഗ്നചിത്രങ്ങൾ പ്രചരിപ്പിച്ചതിന് മൂന്നുപേർക്കെതിരെ കേസെടുത്തു.

ഇൻസ്റ്റാഗ്രാമിലൂടെ സൗഹൃദം സ്ഥാപിച്ച യുവാവിന് യുവതിയുടെ നഗ്നചിത്രങ്ങൾ ലഭിക്കുകയും പിന്നീട് സുഹൃത്തുക്കൾക്ക് അയച്ചുകൊടുക്കുകയുമായിരുന്നു. ചിത്രങ്ങൾ ലഭിച്ചവർ ഇൻസ്റ്റഗ്രാമിലൂടെ പെൺകുട്ടിയുമായി ചങ്ങാത്തത്തിലായി.

സ്‌കൂളിൽ പോകാൻ വിസമ്മതിച്ചപ്പോൾ പെൺകുട്ടിയെ കൗൺസിലിങ്ങിന് വിധേയയാക്കി. തുടർന്നാണ് ലൈംഗികാതിക്രമം പുറത്തറിയുന്നത്. ചൈൽഡ് വെൽഫെയർ കമ്മിറ്റിയിൽ നിന്ന് ലഭിച്ച വിവരത്തിൻ്റെ അടിസ്ഥാനത്തിൽ പോലീസ് കേസെടുത്ത് അന്വേഷണം ആരംഭിച്ചു.