നിങ്ങൾ അധ്യാപകരുമായി കിടക്ക പങ്കിടാറുണ്ടോ?

കൊച്ചി: തൃക്കാക്കര കെഎംഎം കോളേജിലെ എൻസിസി ക്യാമ്പിൽ അതിക്രമിച്ച് കയറി സംഘർഷമുണ്ടാക്കിയതിന് എസ്എഫ്ഐ ജില്ലാ കമ്മിറ്റിയംഗം ഭാഗ്യലക്ഷ്മി, എസ്എഫ്ഐ പ്രവർത്തകൻ ആദർശ് എന്നിവരുൾപ്പെടെ 10 പേർക്കെതിരെ പൊലീസ് കേസെടുത്തു. ബിജെപി കളമശേരി നഗരസഭാ കൗൺസിലർ പ്രമോദിനെയും പ്രതി ചേർത്തിട്ടുണ്ട്.

ക്യാമ്പിൽ ഭക്ഷ്യവിഷബാധയേറ്റതിനെ തുടർന്ന് വിദ്യാർത്ഥികളുടെ രക്ഷിതാക്കൾ കോളേജിലെത്തുകയും വാക്കേറ്റവും സംഘർഷത്തിൽ കലാശിക്കുകയും ചെയ്തു. ഇതേത്തുടർന്ന് ക്യാമ്പിൽ അധ്യാപകർ മർദിച്ചെന്ന ഒരു വിഭാഗം വിദ്യാർഥികളുടെ പരാതിയെ തുടർന്നാണ് എസ്എഫ്ഐ ജില്ലാ സെക്രട്ടേറിയറ്റ് അംഗം ഭാഗ്യലക്ഷ്മി ഉൾപ്പെടെയുള്ളവർ കോളജിലെത്തിയത്.

എന്നാൽ, കോളേജിൽ അതിക്രമിച്ച് കയറിയ ഭാഗ്യലക്ഷ്മി ലൈംഗികമായി അധിക്ഷേപിച്ചുവെന്ന് വിദ്യാർത്ഥികൾ ആരോപിച്ചു. ഇതോടെ വിദ്യാർഥികളും എസ്എഫ്ഐ നേതാക്കളും തമ്മിൽ വാക്കേറ്റമുണ്ടായി. അനുമതിയില്ലാതെ ക്യാമ്പിൽ കയറിയ ഭാഗ്യലക്ഷ്മി 'നിങ്ങൾ ഇവിടെ അധ്യാപകരുമായി കിടക്ക പങ്കിടുന്നുണ്ടോ' എന്ന് ചോദിച്ചതായി വിദ്യാർത്ഥികൾ ആരോപിച്ചു. 'നീ ആരെയെങ്കിലും ഒളിപ്പിച്ചിട്ടുണ്ടോ?' ഞങ്ങളുടെ അധ്യാപകരെ കുറിച്ച് മോശമായി സംസാരിക്കാൻ നിങ്ങൾ ആരാണെന്ന് വിദ്യാർഥികൾ ഭാഗ്യലക്ഷ്മിയോട് ചോദിച്ചു.

എന്നാൽ താൻ അത്തരത്തിലൊരു പരാമർശം നടത്തിയിട്ടില്ലെന്നായിരുന്നു ഭാഗ്യലക്ഷ്മിയുടെ പ്രതികരണം. തിങ്കളാഴ്ച രാത്രിയാണ് എൻസിസി 21 കേരള ബറ്റാലിയൻ ക്യാമ്പിൽ ഭക്ഷ്യവിഷബാധയുണ്ടായത്. ഉച്ചഭക്ഷണം കഴിച്ചയുടൻ തന്നെ വിദ്യാർത്ഥികൾക്ക് ആരോഗ്യപ്രശ്നങ്ങളുണ്ടായി. വൈകുന്നേരമായപ്പോഴേക്കും പലർക്കും ഛർദ്ദിയും തളർച്ചയും അനുഭവപ്പെട്ടു. തൊട്ടുപിന്നാലെ 72 വിദ്യാർഥികളെ കളമശേരി മെഡിക്കൽ കോളജിൽ പ്രവേശിപ്പിച്ചു.