വളാഞ്ചേരിയിൽ വൻ സ്‌ഫോടക വസ്തു പിടികൂടിയ സംഭവത്തിൽ നാല് പേർ അറസ്റ്റിൽ

മലപ്പുറം: വളാഞ്ചേരിയിൽ വൻതോതിൽ സ്‌ഫോടകവസ്തുക്കൾ പിടികൂടിയ സംഭവത്തിൽ നാലുപേർ കസ്റ്റഡിയിൽ. ആയിരക്കണക്കിന് ജലാറ്റിൻ സ്റ്റിക്കുകളും ഡിറ്റണേറ്ററുകളും പിടിച്ചെടുത്തു. സ്‌ഫോടകവസ്തുക്കൾ കൊണ്ടുവന്നതിന് പിന്നിലെ കാരണം വ്യക്തമല്ല. മലപ്പുറം എസ്പിക്ക് ലഭിച്ച രഹസ്യവിവരത്തെ തുടർന്നാണ് നാല് പ്രതികൾ പിടിയിലായത്.

കസ്റ്റഡിയിലെടുത്തവരെ അധികൃതർ ഇപ്പോൾ ചോദ്യം ചെയ്തുവരികയാണ്. 1,124 ജലാറ്റിൻ സ്റ്റിക്കുകൾ, 4,000 ഡിറ്റണേറ്ററുകൾ, 3,340 ഇലക്ട്രിക് ഡിറ്റണേറ്ററുകൾ, 1,820 സുരക്ഷാ ഫ്യൂസുകൾ എന്നിവ പിടിച്ചെടുത്തവയിൽ ഉൾപ്പെടുന്നു. കൂടുതൽ വിവരങ്ങൾ അടുത്ത മണിക്കൂറിനുള്ളിൽ അറിയിക്കുമെന്ന് വളാഞ്ചേരി പോലീസ് അറിയിച്ചു.