മദ്യപിക്കുന്നവർക്ക് നല്ല നിലവാരമുള്ള മദ്യം ലഭ്യമാക്കണം; വി. മുരളീധരൻ

കേരളത്തിലെ ലോ-ആൽക്കഹോൾ മദ്യ നയവുമായി ബന്ധപ്പെട്ട വിവാദങ്ങൾക്കിടെ ബിജെപി നേതാവ് വി. മുരളീധരൻ പ്രതികരണവുമായി രംഗത്തെത്തി. മദ്യപാനം പ്രോത്സാഹിപ്പിക്കരുതെങ്കിലും, മദ്യപിക്കുന്നവർക്ക് ഗുണനിലവാരമുള്ള മദ്യം ലഭ്യമാക്കേണ്ടത് സർക്കാരിന്റെ ഉത്തരവാദിത്വമാണെന്ന് അദ്ദേഹം പറഞ്ഞു. 

മദ്യനിരോധനം ഘട്ടംഘട്ടമായി നടപ്പാക്കുന്നതാണ് ഉചിതമെന്നും, ഒരേസമയം പൂർണ മദ്യനിരോധനം പ്രായോഗികമല്ലെന്നും അദ്ദേഹം അഭിപ്രായപ്പെട്ടു. മദ്യനയത്തിൽ ജനങ്ങളുടെ ആരോഗ്യവും സാമൂഹിക സുരക്ഷയും മുൻനിർത്തിയുള്ള സമീപനമാണ് സർക്കാർ സ്വീകരിക്കേണ്ടതെന്നും അദ്ദേഹം കൂട്ടിച്ചേർത്തു. 

കേരള സർക്കാരിന്റെ ലോ-ആൽക്കഹോൾ മദ്യങ്ങൾക്ക് നികുതി ഇളവ് നൽകുന്ന തീരുമാനത്തെ ചൊല്ലി സംസ്ഥാനത്ത് രാഷ്ട്രീയ വിവാദം ശക്തമായിരിക്കെയാണ് വി. മുരളീധരന്റെ പ്രതികരണം ശ്രദ്ധേയമായത്.