ഈ വർഷവും മലയാളികൾ മദ്യവിൽപ്പന റെക്കോർഡ് തകർത്തോ?; ഉത്രാടം ദിവസം വരെയുള്ള കണക്കുകൾ

തിരുവനന്തപുരം: കേരളത്തിൽ ഏറ്റവും കൂടുതൽ മദ്യവിൽപ്പന നടക്കുന്നത് ഓണം ക്രിസ്മസ്-പുതുവത്സര സീസണിലാണ്. ഓണക്കാലത്താണ് ഏറ്റവും കൂടുതൽ. എന്നിരുന്നാലും ഈ വർഷത്തെ ഓണക്കാലത്ത് മദ്യവിൽപ്പനയിൽ കാര്യങ്ങൾ പ്രതീക്ഷിച്ചപോലെയല്ല. കഴിഞ്ഞ വർഷത്തെ അപേക്ഷിച്ച് 14 കോടിയുടെ കുറവാണ് ഉണ്ടായിരിക്കുന്നത്.

701 കോടി രൂപയുടെ വിൽപ്പനയാണ് ഈ വർഷം രേഖപ്പെടുത്തിയത്. ബാറുകളുടെ എണ്ണം വർധിച്ചിട്ടും മദ്യവിൽപ്പനയിൽ ഗണ്യമായ കുറവുണ്ടായിട്ടുണ്ട്. കഴിഞ്ഞ വർഷം 715 കോടി രൂപയുടെ വിൽപ്പനയാണ് രേഖപ്പെടുത്തിയത്. അതേസമയം ഉത്രാടം നാളിൽ മദ്യവിൽപ്പനയിൽ നാലു കോടി രൂപയുടെ വർധനയുണ്ടായതായി ബെവ്‌കോയുടെ കണക്കുകൾ വ്യക്തമാക്കുന്നു.