കരുവന്നൂർ ബാങ്ക് കള്ളപ്പണ കേസ്; മുൻ മന്ത്രിമാർ ഉൾപ്പെടെ സി.പി.എം നേതാക്കൾ കോടതിയിൽ ഹാജരായി

കരുവന്നൂർ സർവീസ് സഹകരണ ബാങ്കുമായി ബന്ധപ്പെട്ട കള്ളപ്പണ വെളുപ്പിക്കൽ കേസിൽ മുൻ കേരള മന്ത്രിമാർ ഉൾപ്പെടെയുള്ള സി.പി.എം നേതാക്കൾ ശനിയാഴ്ച കൊച്ചിയിലെ പ്രത്യേക പി.എം.എൽ.എ കോടതിയിൽ ഹാജരായി. കേസിൽ വിചാരണ നേരിടാൻ നേരത്തെ കോടതി സമൻസ് നൽകിയിരുന്നു. 

മുൻ മന്ത്രിയും എം.എൽ.എയുമായ എ.സി. മൊയ്തീൻ, എം.പി കെ. രാധാകൃഷ്ണൻ, സി.പി.എം നേതാവ് എം.എം. വർഗീസ് എന്നിവരടക്കം 28 പേർക്കെതിരെയാണ് എൻഫോഴ്‌സ്‌മെന്റ് ഡയറക്ടറേറ്റ് (ഇ.ഡി) കുറ്റപത്രം സമർപ്പിച്ചിരിക്കുന്നത്. കേസിൽ പ്രാഥമിക തെളിവുകളുണ്ടെന്ന് കണ്ടെത്തിയ കോടതി പ്രതികളോട് ഹാജരാകാൻ നിർദേശിച്ചിരുന്നു. 

അതേസമയം, കരുവന്നൂർ ബാങ്ക് ക്രമക്കേടിന്റെ പേരിൽ സി.പി.എമ്മിനെ പ്രതിയാക്കുകയും നേതാക്കൾക്കെതിരെ നടപടിയെടുക്കുകയും ചെയ്യുന്നത് രാഷ്ട്രീയ പ്രേരിതമാണെന്നാണ് പാർട്ടിയുടെ നിലപാട്. കോടതിയിൽ നിയമപരമായി കേസ് നേരിടുമെന്നും ആവശ്യമായ എല്ലാ നിയമനടപടികളും സ്വീകരിക്കുമെന്നും സി.പി.എം നേതൃത്വം അറിയിച്ചു.