കനത്ത മഴയിൽ കോഴിക്കോട് മുങ്ങി, മെഡിക്കൽ കോളേജ് ആശുപത്രിയിൽ വെള്ളം കയറുന്നത് ഇതാദ്യമാണെന്ന് ജീവനക്കാർ

കോഴിക്കോട്: കനത്ത മഴയിൽ കോഴിക്കോട് മെഡിക്കൽ കോളേജ് ആശുപത്രിയിൽ വെള്ളം കയറി. മെഡിക്കൽ കോളേജിലെ മാതൃ-ശിശു സംരക്ഷണ കേന്ദ്രത്തിൽ വെള്ളം കയറി. കെട്ടിടം രൂപീകരിച്ച് അരനൂറ്റാണ്ടിനിടെ ആദ്യമായാണ് കെട്ടിടത്തിലേക്ക് വെള്ളം കയറുന്നതെന്ന് ജീവനക്കാർ പറഞ്ഞു. ആശുപത്രിയുടെ താഴത്തെ നില പൂർണമായും വെള്ളത്തിനടിയിലാണ്.

ഇതേത്തുടർന്ന് താഴത്തെ നിലയിലെ വാർഡുകളിലെ കുട്ടികളെ ഉടൻ മറ്റിടങ്ങളിലേക്ക് മാറ്റി. ഗൈനക്കോളജി, പീഡിയാട്രിക് അത്യാഹിത വിഭാഗങ്ങൾ, വാർഡുകൾ, വനിതാ ഐസിയു, എമർജൻസി സർജറി റൂം എന്നിവ താഴത്തെ നിലയിലാണ്. 

വെള്ളം പൂർണമായും തറയിൽ കയറി. മൂന്ന് മോട്ടോർ സെറ്റുകൾ എത്തിച്ച ശേഷമാണ് വെള്ളം പമ്പ് ചെയ്തത്. ശുചീകരണ തൊഴിലാളികളും മറ്റ് ജീവനക്കാരും ഇതിൽ ഏർപ്പെട്ടിരുന്നു, ഇന്നലെ രാത്രി വൈകിയും നടപടികൾ തുടർന്നു.

പീഡിയാട്രിക് ഐസിയുവിൽ വെള്ളം കയറിയിട്ടുണ്ട്. ഇവിടെ നിരവധി ഉപകരണങ്ങൾ സ്ഥാപിച്ചതിനാൽ വെള്ളം വറ്റിക്കാൻ ഏറെ സമയം വേണ്ടിവന്നു. ഐസൊലേഷൻ വാർഡുകളിലും വെള്ളം കയറി. ഇവിടെ പ്രവേശിപ്പിച്ച കുട്ടികളെ മറ്റിടങ്ങളിലേക്ക് മാറ്റി. ശുചിമുറിയിൽ വെള്ളം കയറിയത് രോഗികളെയും കൂട്ടിരിപ്പുകാരെയും ബുദ്ധിമുട്ടിലാക്കി.