രണ്ട് ദിവസത്തേക്ക് മദ്യം നിരോധിച്ചു; വൈകുന്നേരം 7 മണിയോടെ ബിവറേജസ് ഷട്ടറുകൾ അടയ്ക്കും

തിരുവനന്തപുരം: അടുത്ത രണ്ട് ദിവസത്തേക്ക് കേരളത്തിൽ മദ്യവിൽപ്പന ഉണ്ടാകില്ല. സംസ്ഥാനത്തെ എല്ലാ ബെവ്കോ ഔട്ട്ലെറ്റുകളും ഇന്ന് വൈകുന്നേരം 7 മണിയോടെ അടച്ചിടും. സ്റ്റോക്ക് എടുക്കുന്നതിനായി ഔട്ട്ലെറ്റുകൾ അടച്ചിരിക്കും. അടുത്ത രണ്ട് ദിവസങ്ങൾ പൂർണ്ണമായും ഡ്രൈ ഡേകളായിരിക്കും. നാളെ മാസത്തിലെ ആദ്യ ദിവസമായതിനാലും ഒക്ടോബർ 2 ഗാന്ധി ജയന്തി ആയതിനാലും അവധിയാണ്.

ബെവ്കോ ഔട്ട്ലെറ്റുകളും ബാറുകൾ ഉൾപ്പെടെയുള്ള എല്ലാ മദ്യശാലകളും ഈ ദിവസങ്ങളിൽ അടച്ചിരിക്കും. ഇന്ന് രാത്രി 11 മണി വരെ ബാറുകൾക്ക് പ്രവർത്തിക്കാം.