യുവതിയെ ക്രൂരമായി മർദ്ദിച്ചതിന് ലോഡ്ജ് ഉടമയും സുഹൃത്തും പിടിയിൽ

കൊച്ചി: ലോഡ്ജിൽ യുവതിയെ ക്രൂരമായി മർദ്ദിച്ച സംഭവത്തിൽ യുവാവും സുഹൃത്തും അറസ്റ്റിൽ. കൊച്ചിയിലെ ബെൻ ടൂറിസ്റ്റ് ഹോം ഉടമ ബെൻ ജോയിയെയും സുഹൃത്ത് ഷൈജുവിനെയും പൊലീസ് അറസ്റ്റ് ചെയ്തു. ഇന്നലെ രാത്രിയാണ് സംഭവം.

വാക്ക് തർക്കമാണ് ആക്രമണത്തിൽ കലാശിച്ചതെന്നാണ് വിവരം. യുവതിയും എട്ടംഗ സംഘവും രണ്ട് ദിവസം മുമ്പ് ലോഡ്ജിൽ മുറിയെടുത്തിരുന്നു. രണ്ടു മുറികളിലായാണ് അവർ താമസിച്ചിരുന്നത്. ഇന്നലെ രാത്രിയാണ് യുവതി പുറത്ത് പോയത്.

തിരികെയെത്തിയ യുവതിയുമായി ഷൈജു വാക്ക് തർക്കത്തിൽ ഏർപ്പെട്ടു. ഇതോടെ ബെൻ ജോയ് അവളെ രണ്ടുതവണ തല്ലുകയും മുറി ഒഴിയാൻ ആവശ്യപ്പെടുകയും ചെയ്തു.

പണം തിരികെ നൽകാതെ പോകില്ലെന്ന് യുവതി പറഞ്ഞതിനെ തുടർന്നാണ് സംഘർഷമുണ്ടായത്. ഇതോടെ കൊച്ചി നോർത്ത് പൊലീസ് സ്ഥലത്തെത്തി പ്രതിയെ കസ്റ്റഡിയിലെടുത്തു. യുവതിയുടെ പരാതിയിൽ വിശദമായ അന്വേഷണം നടത്തുമെന്ന് പോലീസ് അറിയിച്ചു.