ജോർദാനിൽ നിന്ന് ഇസ്രായേലിലേക്ക് കടക്കുന്നതിനിടെ വെടിയേറ്റ് മലയാളി മരിച്ചു; എംബസി മരണം സ്ഥിരീകരിച്ചു

തിരുവനന്തപുരം: ഇസ്രായേലിൽ ഒരു മലയാളി വെടിയേറ്റ് മരിച്ചു. തിരുവനന്തപുരത്തെ തുമ്പ സ്വദേശിയായ ഗബ്രിയേൽ പെരേരയാണ് മരിച്ചത്. ജോർദാനിൽ നിന്ന് ഇസ്രായേലിലേക്ക് കടക്കുന്നതിനിടെ ഇസ്രായേൽ സൈന്യത്തിന്റെ വെടിയേറ്റ് മരിച്ചു. സംഘത്തിലെ മറ്റുള്ളവർ ഇസ്രായേലിലെ ജയിലുകളിലാണെന്ന് റിപ്പോർട്ട്.

വെടിയേറ്റ മറ്റൊരാൾ നാട്ടിലേക്ക് മടങ്ങിയപ്പോൾ ഗബ്രിയേലിന്റെ മരണവാർത്ത അദ്ദേഹം അറിയിച്ചു. മേനംകുളം സ്വദേശിയായ എഡിസൺ ആണ് അദ്ദേഹം. ഗബ്രിയേലിന്റെ മരണം എംബസി സ്ഥിരീകരിച്ചു. എംബസി വിളിച്ച് ഗബ്രിയേലിന്റെ കുടുംബത്തെ മരണവാർത്ത അറിയിച്ചതായി റിപ്പോർട്ടുകൾ പറയുന്നു. ഗബ്രിയേൽ വിസിറ്റിംഗ് വിസയിലാണ് ജോർദാനിലേക്ക് പോയത്.