കെട്ടിടത്തിൽ വൻ തീപിടുത്തം; കോടിക്കണക്കിന് രൂപയുടെ നാശനഷ്ടം റിപ്പോർട്ട്

ഇടുക്കി: വണ്ടിപ്പെരിയാറിലെ ഒരു കെട്ടിടത്തിൽ ഞായറാഴ്ച പുലർച്ചെ വൻ തീപിടുത്തം. പശുമല ജംഗ്ഷനിലെ കെആർ കെട്ടിടത്തിലാണ് തീപിടുത്തമുണ്ടായത്. കെട്ടിടത്തിന്റെ ഒന്നാം നിലയിൽ പ്രവർത്തിക്കുന്ന അഞ്ച് സ്ഥാപനങ്ങളും രണ്ടാം നിലയിലെ രണ്ട് സ്ഥാപനങ്ങളും കത്തിനശിച്ചു. അപകടത്തിൽ കോടിക്കണക്കിന് രൂപയുടെ നഷ്ടമുണ്ടായതായി റിപ്പോർട്ട്.

ഫർണിച്ചർ വീട്ടുപകരണങ്ങളും സ്പെയർ പാർട്‌സും കത്തിനശിച്ചു. ശനിയാഴ്ച പുലർച്ചെ രണ്ട് മണിയോടെയാണ് തീപിടുത്തമുണ്ടായത്. തീപിടുത്തം കണ്ട് പരിഭ്രാന്തരായ ചിലർ ഉടൻ തന്നെ ഫയർഫോഴ്‌സിനെ അറിയിച്ചു. കട്ടപ്പന പീരുമേട്, കാഞ്ഞിരപ്പള്ളി ഫയർഫോഴ്‌സ് യൂണിറ്റുകൾ സ്ഥലത്തെത്തി തീ നിയന്ത്രണവിധേയമാക്കി. ഷോർട്ട് സർക്യൂട്ടാണ് തീപിടുത്തത്തിനുള്ള പ്രധാന കാരണം.