എം ആർ അജിത് കുമാറിനെ വീണ്ടും വിശിഷ്ട സേവാ മെഡലിന് ശുപാർശ ചെയ്തു

തിരുവനന്തപുരം: എഡിജിപി എം ആർ അജിത് കുമാറിനെ വീണ്ടും വിശിഷ്ട സേവാ മെഡലിന് ശുപാർശ ചെയ്തു. ആറാം തവണയും ഡിജിപി അദ്ദേഹത്തിന്റെ പേര് രാഷ്ട്രപതി മെഡലിന് സർക്കാരിനോട് ശുപാർശ ചെയ്തിരുന്നു. മുമ്പ് അഞ്ച് തവണ രാഷ്ട്രപതി മെഡലിനുള്ള ശുപാർശ കേന്ദ്രം നിരസിച്ചിരുന്നു. ഇന്റലിജൻസ് ബ്യൂറോ റിപ്പോർട്ട് അജിത് കുമാറിനെതിരെയുള്ള പശ്ചാത്തലത്തിൽ കേന്ദ്രം മെഡൽ നിരസിച്ചു.

അജിത് കുമാറിനെ സ്ഥാനക്കയറ്റത്തിന് പരിഗണിക്കുമ്പോഴാണ് വീണ്ടും ശുപാർശ വന്നത്. അജിത് കുമാറിന്റെ ജൂനിയർ ഉദ്യോഗസ്ഥർക്ക് മെഡൽ ലഭിച്ചിരുന്നു. സ്വത്ത് സമ്പാദന പരാതിയിൽ അജിത് കുമാറിന് ക്ലീൻ ചിറ്റ് നൽകിയ റിപ്പോർട്ട് മുഖ്യമന്ത്രി നേരത്തെ അംഗീകരിച്ചിരുന്നു. അജിത് കുമാറിനെ കുറ്റവിമുക്തനാക്കിയ വിജിലൻസ് റിപ്പോർട്ട് മുഖ്യമന്ത്രി അംഗീകരിച്ചു.

പി വി അൻവർ ഉന്നയിച്ച ആരോപണങ്ങളുടെ അടിസ്ഥാനത്തിൽ അനധികൃത സ്വത്ത് സമ്പാദനവുമായി ബന്ധപ്പെട്ട് അജിത് കുമാറിനെതിരെ വിജിലൻസ് അന്വേഷണം നടത്തി. അജിത് കുമാറിന് അനധികൃത സ്വത്ത് സമ്പാദനമില്ലെന്ന് വ്യക്തമാക്കുന്ന റിപ്പോർട്ട് വിജിലൻസ് ഡയറക്ടർ സമർപ്പിച്ചു. ഈ അന്വേഷണ റിപ്പോർട്ട് മുഖ്യമന്ത്രി അംഗീകരിച്ചിരുന്നു.