മലപ്പുറത്ത് എസ്ഡിപിഐ പ്രവർത്തകരുടെ വീടുകളിൽ എൻഐഎ റെയ്ഡ്; നാലുപേർ കസ്റ്റഡിയിൽ

മലപ്പുറം: മഞ്ചേരിയിലെ എസ്ഡിപിഐ പ്രവർത്തകരുടെ വീടുകളിൽ ദേശീയ അന്വേഷണ ഏജൻസി (എൻഐഎ) റെയ്ഡ് നടത്തി. അഞ്ച് വീടുകളിൽ റെയ്ഡ് നടത്തി. കൊച്ചിയിൽ നിന്നുള്ള എൻഐഎ ഉദ്യോഗസ്ഥർ വെള്ളിയാഴ്ച പുലർച്ചെ മൂന്ന് മണിയോടെ റെയ്ഡ് ആരംഭിച്ചു. നാലുപേരെ കസ്റ്റഡിയിലെടുത്തു.

ഒരു മണിക്കൂറിനുള്ളിൽ റെയ്ഡ് പൂർത്തിയായി. നാല് വീടുകളിൽ നിന്ന് ഓരോരുത്തരെ കസ്റ്റഡിയിലെടുത്തു. ഒരാളെ കൂടി ഇതുവരെ അറസ്റ്റ് ചെയ്തിട്ടില്ല. ഇയാൾക്കായി തിരച്ചിൽ തുടരുകയാണ്.

ഒരു കേസുമായി ബന്ധപ്പെട്ട് ഇവരെ കസ്റ്റഡിയിലെടുക്കുകയാണെന്നും വിശദമായ ചോദ്യം ചെയ്യലിന് ശേഷം തെറ്റ് ചെയ്തിട്ടില്ലെന്ന് ബോധ്യപ്പെട്ടാൽ വിട്ടയക്കുമെന്നും എൻഐഎ ഉദ്യോഗസ്ഥർ അവരുടെ കുടുംബങ്ങളോട് പറഞ്ഞു. കസ്റ്റഡിയിലെടുത്തവരിൽ ഒരാൾ എസ്ഡിപിഐയുടെ ബ്രാഞ്ച് പ്രസിഡന്റാണ്. രണ്ടുപേർ സ്വർണ്ണപ്പണിക്കാരാണ്.