കേരളത്തിൽ നിപ്പ വൈറസ് ബാധ സ്ഥിരീകരിച്ചു; വളാഞ്ചേരി സ്വദേശിനിക്ക് വീണ്ടും നിപ്പ വൈറസ് ബാധ സ്ഥിരീകരിച്ചു

മലപ്പുറം: കേരളത്തിൽ വീണ്ടും നിപ്പ വൈറസ് ബാധ സ്ഥിരീകരിച്ചു. മലപ്പുറം വളാഞ്ചേരി സ്വദേശിനിയായ 42 വയസ്സുള്ള സ്ത്രീക്ക് രോഗം സ്ഥിരീകരിച്ചു. അവർ ഇപ്പോൾ പെരിന്തൽമണ്ണയിലെ ഒരു ആശുപത്രിയിൽ ചികിത്സയിലാണ്.

പുണെ വൈറോളജി ലാബിൽ നിന്നുള്ള ഫലങ്ങൾ പോസിറ്റീവ് ആയി. കഴിഞ്ഞ കുറച്ച് ദിവസങ്ങളായി പനി, ചുമ, ശ്വസിക്കാൻ ബുദ്ധിമുട്ട് തുടങ്ങിയ ലക്ഷണങ്ങൾ ഉണ്ടായിരുന്നതിനെ തുടർന്ന് സാമ്പിളുകൾ പരിശോധനയ്ക്കായി അയച്ചു. അവർക്ക് എവിടെ നിന്നാണ് രോഗം ബാധിച്ചതെന്ന് വ്യക്തമല്ല. അവരുടെ വീട്ടിലെ രണ്ട് പേർക്ക് പനി ഉണ്ടായിരുന്നു.

ലോകാരോഗ്യ സംഘടനയുടെ കണക്കനുസരിച്ച് നിപ മൃഗങ്ങളിൽ നിന്ന് മനുഷ്യരിലേക്ക് പകരുന്ന ഒരു ജന്തുജന്യ വൈറൽ രോഗമാണ്. നിപ ആദ്യം സ്ഥിരീകരിച്ചത് മലേഷ്യയിലാണ്. മലേഷ്യയിലെ പന്നികളിൽ നിന്നാണ് വൈറസ് പടർന്നത്. പിന്നീട് ബംഗ്ലാദേശിലും ഇന്ത്യയിലും രോഗം സ്ഥിരീകരിച്ചു. രോഗം ബാധിച്ച വവ്വാലുകളുടെ മൂത്രമോ ഉമിനീരോ കലർത്തിയ പഴങ്ങൾ കഴിച്ചതിന് ശേഷമാണ് ഇരു രാജ്യങ്ങളിലും ഇത് പടർന്നതെന്ന് വിശ്വസിക്കപ്പെടുന്നു. ഈ വൈറസ് പാരാമിക്സോവിരിഡേ കുടുംബത്തിൽ പെടുന്നു.

ലക്ഷണങ്ങൾ

വൈറസ് ബാധിച്ച് അഞ്ച് മുതൽ 14 ദിവസങ്ങൾക്കുള്ളിൽ ലക്ഷണങ്ങൾ ആരംഭിക്കുന്നു. പനി, തലവേദന, തലകറക്കം, ബോധക്ഷയം എന്നിവയാണ് പ്രധാന ലക്ഷണങ്ങൾ. ചുമ, വയറുവേദന, ഓക്കാനം, ഛർദ്ദി, ക്ഷീണം, കാഴ്ച മങ്ങൽ തുടങ്ങിയവയും ഉണ്ടാകാം.

പകരൽ

വേഗത്തിൽ പടരാൻ സാധ്യതയുണ്ട്. പഴങ്ങൾ കഴിക്കുന്ന വവ്വാലുകളാണ് പ്രധാന വാഹകർ. പന്നികളിൽ നിന്നും വവ്വാലുകളിൽ നിന്നും രോഗം പകരാം. വവ്വാലുകളിൽ നിന്നാണ് കേരളത്തിൽ നിപ്പ പടർന്നതെന്ന് നേരത്തെ സ്ഥിരീകരിച്ചിരുന്നു.