'അർഹമായ സ്ഥാനക്കയറ്റം ഒരു സർക്കാരും നൽകിയില്ല'

ഐഎച്ച്ആർഡി ഡയറക്ടർ-ഇൻ-ചാർജ് സ്ഥാനത്ത് നിന്ന് നീക്കപ്പെട്ടതിന് പിന്നാലെ വി.എസ്. അച്യുതാനന്ദന്റെ മകൻ വി.എ. അരുണ്‍കുമാർ പ്രതികരണവുമായി രംഗത്തെത്തി. തനിക്ക് അർഹമായ സ്ഥാനക്കയറ്റം ഒരു സർക്കാരും നൽകിയിട്ടില്ലെന്നും, നിയമാനുസൃതമായാണ് താൻ ഓരോ സ്ഥാനത്തേക്കും എത്തിച്ചതെന്നും അദ്ദേഹം പറഞ്ഞു. 

തന്റെ നിയമനത്തെ ചൊല്ലി വർഷങ്ങളായി വിവാദങ്ങൾ ഉയർന്നിരുന്നുവെങ്കിലും, വിവിധ അന്വേഷണങ്ങളിലും കോടതികളിലും തനിക്ക് അനുകൂലമായ തീരുമാനങ്ങളാണ് ഉണ്ടായതെന്ന് അരുണ്‍കുമാർ അവകാശപ്പെട്ടു. രാഷ്ട്രീയ കാരണങ്ങളാലാണ് ഇപ്പോഴത്തെ നടപടിയെന്നും അദ്ദേഹം ആരോപിച്ചു. 

മൂന്ന് വർഷത്തോളമായി ഡയറക്ടർ-ഇൻ-ചാർജ് ചുമതല വഹിച്ചിരുന്ന അരുണ്‍കുമാറിനെ മാറ്റി ഐഎച്ച്ആർഡിയുടെ പൂഞ്ഞാർ എഞ്ചിനീയറിങ് കോളേജ് പ്രിൻസിപ്പൽ പ്രൊഫ. എം.വി. രാജേഷിനെ ഡയറക്ടറായി സർക്കാർ നിയമിച്ചിരുന്നു. അരുണ്‍കുമാറിന്റെ നിയമനത്തിനെതിരെ യോഗ്യതയും നടപടിക്രമങ്ങളും സംബന്ധിച്ച് നേരത്തെ വിവാദങ്ങളും പരാതികളും ഉയർന്നിരുന്നു. 

സ്ഥാനത്ത് നിന്ന് മാറ്റിയ സർക്കാർ നടപടിക്കെതിരെ നിയമപരമായ നീക്കങ്ങൾ ഉൾപ്പെടെ തുടർ നടപടികൾ ആലോചിക്കുകയാണെന്ന് അരുണ്‍കുമാർ അറിയിച്ചു.