സ്ത്രീകൾക്കെതിരായ കാലഹരണപ്പെട്ട മതനേതാക്കളുടെ നിർദേശങ്ങൾക്ക് ഇടമില്ല: രാജീവ് ചന്ദ്രശേഖർ

സ്ത്രീകളെ നിയന്ത്രിക്കുന്നതും അവരുടെ സ്വാതന്ത്ര്യത്തിന് വിലങ്ങുതടിയാകുന്നതുമായ കാലഹരണപ്പെട്ട മതപരമായ നിർദേശങ്ങൾക്ക് കേരളത്തിൽ ഇടമില്ലെന്ന് ബിജെപി കേരള അധ്യക്ഷൻ രാജീവ് ചന്ദ്രശേഖർ. സ്ത്രീകളുടെ അവകാശങ്ങളും സ്വാതന്ത്ര്യവും സംരക്ഷിക്കപ്പെടണമെന്നും അദ്ദേഹം വ്യക്തമാക്കി. 

സ്ത്രീകളെ സമൂഹത്തിന്റെ പിന്നാമ്പുറത്തേക്ക് മാറ്റിനിർത്താൻ ശ്രമിക്കുന്ന നിലപാടുകൾ അംഗീകരിക്കാനാകില്ലെന്നും രാജീവ് ചന്ദ്രശേഖർ പറഞ്ഞു. ഇത്തരം സമീപനങ്ങൾ കാലഹരണപ്പെട്ടതാണെന്നും അദ്ദേഹം വിമർശിച്ചു. 

സ്ത്രീകൾക്ക് വിദ്യാഭ്യാസം, തൊഴിൽ, പൊതുജീവിതം എന്നിവയിൽ തുല്യ അവസരങ്ങൾ ഉറപ്പാക്കേണ്ടതിന്റെ ആവശ്യകതയും അദ്ദേഹം ചൂണ്ടിക്കാട്ടി. സ്ത്രീകളെ നിയന്ത്രിക്കുന്നതിനേക്കാൾ അവരുടെ സ്വാതന്ത്ര്യവും അവസരങ്ങളും ഉറപ്പാക്കുകയാണ് സമൂഹത്തിന്റെ ഉത്തരവാദിത്തമെന്നും അദ്ദേഹം വ്യക്തമാക്കി.