ഇൻസ്റ്റഗ്രാമിലൂടെ പ്ലസ് വൺ വിദ്യാർത്ഥിനിയെ ലൈംഗികമായി ചൂഷണം ചെയ്തു

പത്തനംതിട്ട: ഇൻസ്റ്റാഗ്രാമിലൂടെ പരിചയപ്പെട്ട പ്ലസ് വൺ വിദ്യാർത്ഥിനിയെ ലൈംഗികമായി ചൂഷണം ചെയ്ത സംഭവത്തിൽ പ്രതിക്കെതിരെ പരാതി. കേസെടുത്തതിനെ തുടർന്ന് അന്വേഷണം ആരംഭിച്ചിട്ടുണ്ട്. ചൈൽഡ് വെൽഫെയർ കമ്മിറ്റി നൽകിയ വിവരത്തിൻ്റെ അടിസ്ഥാനത്തിലാണ് കേസെടുത്തത്. കേസിൽ 18 പ്രതികളുണ്ടെന്നാണ് റിപ്പോർട്ട്. പെൺകുട്ടിയുടെ നഗ്നചിത്രങ്ങളും പ്രചരിപ്പിച്ചതായും പരാതിയുണ്ട്.

ഇൻസ്റ്റഗ്രാമിലൂടെയാണ് കൂടുതൽ പേർ അവളുമായി സൗഹൃദത്തിലായതെന്ന് പോലീസ് പറഞ്ഞു. പ്രതികളിൽ പ്രായപൂർത്തിയാകാത്ത ചിലരും ഉണ്ടെന്നാണ് വിവരം. സ്‌കൂളിൽ പോകാൻ വിസമ്മതിച്ചതിനെ തുടർന്ന് കൗൺസിലിങ്ങിന് വിധേയമാക്കിയപ്പോഴാണ് പീഡന വിവരം പുറത്തറിയുന്നത്. സൈബർ സെല്ലിൻ്റെ സഹായത്തോടെ പ്രതികളെ പിടികൂടാനുള്ള നീക്കത്തിലാണ് പോലീസ്.