റസ്റ്റോറന്റ് ഉടമയെ മരിച്ച നിലയിൽ കണ്ടെത്തി; ജീവനക്കാർ ഒളിവിൽ

തിരുവനന്തപുരം: തിരുവനന്തപുരം നഗരത്തിൽ ഒരു റസ്റ്റോറന്റ് ഉടമയെ മരിച്ച നിലയിൽ കണ്ടെത്തി. വഴുതക്കാട് സ്ഥിതി ചെയ്യുന്ന കേരള കഫേ റസ്റ്റോറന്റ് ഉടമ ജസ്റ്റിൻ രാജ് (60) ആണ് മരിച്ചതെന്ന് തിരിച്ചറിഞ്ഞു.

ഇടപ്പഴഞ്ഞിയിലെ ഒരു വീട്ടിൽ ഒളിപ്പിച്ച നിലയിലാണ് മൃതദേഹം കണ്ടെത്തിയത്. വീട്ടിൽ താമസിച്ചിരുന്ന അദ്ദേഹത്തിന്റെ രണ്ട് ജീവനക്കാരെ കാണാതായി. ഇവരിൽ ഒരാൾ വിഴിഞ്ഞം സ്വദേശിയും മറ്റൊരാൾ നേപ്പാൾ സ്വദേശിയുമാണ്. പോലീസ് അന്വേഷണം ആരംഭിച്ചിട്ടുണ്ട്. കേസുമായി ബന്ധപ്പെട്ട് ഒളിവിൽ പോയ ഇരുവരെയും തിരയുന്നു.