പൂരം അലങ്കോലമാക്കിയെന്ന് സ്ഥാപിക്കാൻ സംഘപരിവാർ അജണ്ട’

തിരുവനന്തപുരം: തൃശൂർ പൂരം തടസ്സപ്പെട്ടതുമായി ബന്ധപ്പെട്ട് എൽഡിഎഫിൽ തന്നെ വിമർശനം ഉയരുമ്പോൾ വിശദീകരണവുമായി മുഖ്യമന്ത്രി പിണറായി വിജയൻ്റെ ഓഫീസ്. തൃശൂർ പൂരം തടസ്സപ്പെടുത്തിയിട്ടില്ലെന്ന് മുഖ്യമന്ത്രി ആവർത്തിച്ചു. ഇക്കാര്യത്തിൽ സർക്കാർ എപ്പോഴും ഒരേ നിലപാടാണ് സ്വീകരിച്ചിരുന്നത്.

പൂരം മുടങ്ങാതെ അലങ്കോലപ്പെടുത്താൻ ശ്രമം നടന്നുവെന്നതാണ്. അന്വേഷണം സംബന്ധിച്ച മന്ത്രിസഭാ തീരുമാനത്തിലും നിയമസഭയിലും ഇക്കാര്യം വ്യക്തമാക്കിയിരുന്നു. പൂരവും അതുപോലുള്ള ആഘോഷങ്ങളും വർഗീയ നേട്ടങ്ങൾക്കായി ഉപയോഗിക്കാനാണ് സംഘപരിവാറിനു താൽപര്യം.

സംഘപരിവാറിൻ്റെ അതേ ലക്ഷ്യത്തോടെയുള്ള ഇത്തരം കുത്സിത നീക്കങ്ങളെ രാഷ്ട്രീയമായി തുറന്നുകാട്ടാനും തടയാനുമുള്ള ഉത്തരവാദിത്തം ഏറ്റെടുക്കുന്നതിനുപകരം പൂരം അലങ്കോലമാക്കിയെന്ന് സ്ഥാപിച്ച് നേട്ടം കൊയ്യാനുള്ള കുതന്ത്രമാണ് പ്രതിപക്ഷം നടത്തുന്നതെന്ന് മുഖ്യമന്ത്രി വാർത്താക്കുറിപ്പിൽ ആരോപിച്ചു.

പൂരം സർക്കാർ തുറന്നുകാട്ടുമ്പോൾ അസഹിഷ്ണുത കലർന്നതാണെന്ന് സ്ഥാപിക്കാനാണ് പ്രതിപക്ഷത്തിൻ്റെ ശ്രമം. പ്രതിപക്ഷം സംഘപരിവാറിൻ്റെ ബി ടീമായി കളിക്കുന്നതിനാലാണിത്. പൂരം ആഘോഷങ്ങളിലെ ഇടപെടലുകൾ പരിശോധിക്കുമെന്നും ഉദ്യോഗസ്ഥ തലത്തിൽ കുറ്റം ചെയ്താൽ ശിക്ഷയുണ്ടാകുമെന്നും പിണറായി വിജയൻ പറഞ്ഞു.