കീച്ചേരി കടവ് പാലത്തിന്റെ സ്പാൻ തകർന്നു; ഒരാളുടെ മൃതദേഹം കണ്ടെത്തി, രണ്ടാമത്തെയാൾക്കായി തിരച്ചിൽ തുടരുന്നു

ആലപ്പുഴ: നിർമ്മാണത്തിലിരിക്കുന്ന പാലത്തിന്റെ സ്പാൻ തകർന്നതിനെ തുടർന്ന് കാണാതായ തൊഴിലാളിയുടെ മൃതദേഹം കണ്ടെത്തി. തൃക്കുന്നപ്പുഴ സ്വദേശി ബിനു മരിച്ചു. അപകടത്തെ തുടർന്ന് കാണാതായ കല്ലുമല മാവേലിക്കര സ്വദേശി രാഘവ് കാർത്തിക്കിനായി തിരച്ചിൽ തുടരുന്നു. ചെന്നിത്തലയിലെ കീച്ചേരി കടവ് പാലത്തിന്റെ സ്പാൻ ഇന്ന് ഉച്ചയോടെ തകർന്നു.

പണി പുരോഗമിക്കുന്നതിനിടെയാണ് അപകടം. പാലത്തിലുണ്ടായിരുന്ന ഏഴ് തൊഴിലാളികൾ വെള്ളത്തിൽ വീണു. ബിനുവും രാഘവും അപ്രത്യക്ഷരായി. മറ്റുള്ളവർ നീന്തി കരയിലേക്ക്.

തുടർന്നുള്ള തിരച്ചിലിൽ ബിനുവിന്റെ മൃതദേഹം കണ്ടെത്തി. അപകടസ്ഥലത്ത് നിന്ന് അമ്പത് മീറ്റർ അകലെയാണ് മൃതദേഹം കണ്ടെത്തിയത്.