വിദ്യാർത്ഥി ആത്മഹത്യാശ്രമം; അധ്യാപകനെതിരെ കേസെടുത്തു
Jan 18, 2024, 19:29 IST
![police jeep](https://timeofkerala.com/static/c1e/client/98493/uploaded/805cba53edcb8c1a1715756d018d6649.png)
പത്തനംതിട്ട: തിരുവല്ല ടീച്ചേഴ്സ് ട്രെയിനിംഗ് കോളേജ് ഹോസ്റ്റലിലെ വിദ്യാർത്ഥിനി ആത്മഹത്യയ്ക്ക് ശ്രമിച്ച സംഭവത്തിൽ അധ്യാപികയ്ക്കെതിരെ കേസെടുത്തു. മലയാളം അധ്യാപിക മിലേന ജെയിംസിനെതിരെ പൊലീസ് കേസെടുത്തു. അധ്യാപകൻ മാനസികമായി പീഡിപ്പിച്ചുവെന്ന വിദ്യാർഥിയുടെ പരാതിയുടെ അടിസ്ഥാനത്തിലാണ് നടപടി.
വിദ്യാർത്ഥി തിരുവല്ലയിലെ സ്വകാര്യ ആശുപത്രിയിലെ തീവ്രപരിചരണ വിഭാഗത്തിൽ ചികിത്സയിലാണ്. അധ്യാപകനെതിരെ നിരവധി വിദ്യാർഥികൾ നേരത്തെ പരാതി നൽകിയിരുന്നു. പരീക്ഷയിൽ തോൽക്കുമെന്നും മറ്റും പറഞ്ഞ് അധ്യാപിക ഭീഷണിപ്പെടുത്തിയെന്നാണ് പരാതി.
സംഭവത്തിന് പിന്നാലെ അധ്യാപകനെതിരെ വകുപ്പുതല നടപടി ആവശ്യപ്പെട്ട് എസ്എഫ്ഐ പ്രവർത്തകർ പ്രിൻസിപ്പലിനെ തടഞ്ഞുവച്ചു. അധ്യാപകനെതിരെ നടപടിയെടുക്കുമെന്ന് ഉറപ്പായതോടെ എസ്എഫ്ഐ പ്രതിഷേധം അവസാനിപ്പിച്ചു.